ବିଞ୍ଝାରପୁର: ବିଞ୍ଝାରପୁର ବ୍ଲକରେ ଆଉ ୧୦ ଜଣ କରୋନାରେ ସଂକ୍ରମିତ ଚିହ୍ନଟ ହୋଇଥିବା ଜଣାପଡ଼ିଛି । ବିଞ୍ଝାରପୁର ବ୍ଲକରୁ ଶୁକ୍ରବାର ସନ୍ଧ୍ୟା ସୁଦ୍ଧା ଆକ୍ରାନ୍ତ ସଂଖ୍ୟା ୧୩ ଥିଲାବେଳେ ଶନିବାର ଆଉ ୧୦ ଆକ୍ରାନ୍ତ ଚିହ୍ନଟ ହେବା ପରେ ଏହି ସଂଖ୍ୟା ୨୩ରେ ପହଂଚିଛି । ସୂଚନା ଅନୁଯାୟୀ ବିଞ୍ଝାରପୁର ବ୍ଲକ ସିଂହପୁର ଗ୍ରାମପଂଚାୟତର ୨ ଜଣ ବ୍ୟକ୍ତି ଜଣେ ୫୯ ବର୍ଷିୟ ଓ ଅନ୍ୟଜଣେ ୨୬ ବର୍ଷିୟ ଯୁବକ ହୋଇଥିଲା ବେଳେ ବାଛୋଳ ଗ୍ରାମର ୨ ଜଣ ବ୍ୟକ୍ତି ଜଣେ ୩୦ ଓ ଅନ୍ୟ ଜଣେ ୪୯ ବର୍ଷିୟ ବ୍ୟକ୍ତି ଅଟନ୍ତି । ସେହିପରି ଅଳକୁଣ୍ଡ ଗ୍ରାମପଂଚାୟତର ବାସୁଦେବପୁର ଗ୍ରାମର ୨୬ ବର୍ଷିୟ ଯୁବକ, ଆଉଁରୀ ଗ୍ରାମପଂଚାୟତର ଡିହକୁଳା ଗ୍ରାମର ୨୦ ବର୍ଷିୟ ଯୁବକ । ବରପଦା ଗ୍ରାମପଂଚାୟତର ବରପଦା ଗ୍ରାମର ୫୧ ବର୍ଷିୟ ବ୍ୟକ୍ତି ହୋଇଥିଲା ବେଳେ ରଣପୁର ଗ୍ରାମପଂଚାୟତର ଜଣେ ୬୦ ବର୍ଷିୟ ମହିଳାଙ୍କ ସମେତ ମୋଟ ୧୦ ଜଣ କରୋନା ସଂକ୍ରମିତ ହୋଇଛନ୍ତି । ସମସ୍ତେ ୧୦ ତାରିଖରେ କୋଲକାତାରୁ ଫେରି କ୍ୱାରେଂଟାଇନରେ ଥିଲେ ।