ବାଲେଶ୍ୱର: ନକଲି ବନ୍ଧୁକ ଦେଖାଇ ଲୁଟ୍ କରିବା ଲୁଟେରାକୁ ପଡିଛି ମହଙ୍ଗା । ଶେଷରେ ପୋଲିସ ହାତରେ ଧରା ପଡିଛି ଲୁଟେରା । ଲୁଟେରା ଯୁବକ ଜଣଙ୍କ ହେଲେ ଗୋବର୍ଦ୍ଧନପୁର ଗାଁର ବିଶ୍ୱଜିତ ନାଥ । ବିଶ୍ୱଜିତ ଡିଙ୍ଗାଶୁଳ ଗାଁର ଜଣେ ବ୍ୟକ୍ତିଙ୍କ ଘରକୁ ଯାଇ ବନ୍ଧୁକ ଦେଖାଇ ଲୁଟ କରିବାକୁ ଚେଷ୍ଟା କରିଥିଲା । ବ୍ୟକ୍ତି ଜଣଙ୍କ ବୁଦ୍ଧି ଖଟାଇ ଗ୍ରାମବାସୀଙ୍କୁ ଡାକିଥିଲା । ଗାଁଲୋକେ ମିଶି ବିଶ୍ୱଜିତକୁ କାବୁ କରିବା ସହିତ ଖୁଂଟରେ ବାନ୍ଧି ପକାଇଥିଲେ ଏବଂ ପରେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଁଚି ଯୁବକଙ୍କ ଠାରୁ ନକଲି ବନ୍ଧୁକ ଯବତ କରିଥିଲା । ତେବେ ଯୁବକ ନାଁରେ ବିଭିନ୍ନ ଥାନାରେ ଲୁଟ ଭଳି ୧୦ ରୁ ଅଧିକ ମାମଲା ଥିବା ଜଣାପଡିଛି ।