* ଗୁରୁତରଙ୍କୁ ମୁଖ୍ୟ ଡାକ୍ତରଖାନ।କୁ ସ୍ଥାନାନ୍ତର
ନବରଙ୍ଗପୁର : ନବରଙ୍ଗପୁର ଜିଲ୍ଲା ଉମରକୋଟ ବାସନି ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣାରେ ୩ ଜଣଙ୍କ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର ହୋଇଥିବା ଜଣାପଡିଛି । ଗତକାଲି ବିଳମ୍ବିତ ରାତିରେ ଗୋଟିଏ ସ୍ବିଫ୍ଟ୍ ଗାଡିରେ ଜଣେ ମହିଳାଙ୍କ ସମେତ ୪ ଜଣ ଜଗଦଲପୁର ଡାକ୍ତରଖାନାରୁ ଫେରିବା ବାଟରେ ଏଭଲି ଦୁର୍ଘଟଣା ଘଟିଥିବା ଜଣାପଡିଛି । ଭାରସାମ୍ୟ ହରାଇ ରାସ୍ତାକଡରେ ଥିବା ଗଛରେ ପିଟିଲା କାର୍ । । ଘଟଣାର ଖବର ପାଇ ଉମରକୋଟ ପୋଲିସ ଏବଂ ଅଗ୍ନିଶମ କର୍ମଚାରୀ ଘଟଣା ସ୍ଥଳରେ ପହଂଚି ସମସ୍ତଙ୍କୁ ଉମରକୋଟ ଡାକ୍ତର ଖାନାକୁ ନେଇଥିଲେ । ଏହି ମର୍ମନ୍ତୁଦ ସଡକ ଦୁର୍ଘଟଣାରେ ମୃତ୍ୟୁ ବରଣ କରିଥିବା ବ୍ୟକ୍ତି ରାଇଘର ଥାନା ଅନ୍ତର୍ଗତ ଛତାବେଡା ଗ୍ରାମର ଗାଡି ଚାଳକ ସୁରେଶ ମଣ୍ଡଳ, ସୋନପୁର ଗ୍ରାମର ଗୌରାଙ୍ଗ ରାୟ ଏବଂ ଉମରକୋଟ ଥାନା ଅନ୍ତର୍ଗତ ଅଂଚଳା ଗ୍ରାମର ସତ୍ୟରଞ୍ଜନ ବେପାରୀ ବୋଲି ଜଣାପଡିଛି । ଚିକିତ୍ସା ପାଇଁ ଜଗଦଳପୁର ଯାଇ ଫେରୁଥିବା ତରୁଲତା ବେପାରୀଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିବା ଜଣାପଡିଛି।