ରାୟଗଡ଼ : ମୃତ ସୁସଜିତାଙ୍କ ପରିବାରକୁ ଓରମାସ ତରଫରୁ ଆର୍ଥିକ ସହାୟତା ପ୍ରଦାନ। ଗତ ଫେବୃୟାରୀ ୧୬ ତାରିଖରେ ଗଜପତିଜିଲ୍ଲା ରା.ଉଦୟଗିରି ବ୍ଲକ ଛେଲିଗଡ଼ ପଞ୍ଚାୟତ ସଇଲୁଙ୍ଗ ଗ୍ରାମର ଜଗତ ବର୍ଦ୍ଧନଙ୍କ ଝୀଅ ସୁସଜିତା ବେଙ୍ଗାଲୁରୁର ଏକ ଘରୋଇ କମ୍ପାନୀରେ ଆତ୍ମ ସିଲେଇ କାମରେ ନିୟୋଜିତ ଥିଲେ। ହଠାତ ସେଠାରେ ତାଙ୍କର ମୃତ୍ୟୁ ହୋଇଥିଲା। ତାଙ୍କ ମୃତ୍ୟୁ ଖବର ପାଇ ଗଜପତି ଜିଲ୍ଲା ପ୍ରଶାସନ ଓ ଜନପ୍ରତିନିଧିଙ୍କ ହସ୍ତକ୍ଷେପ ପରେ କମ୍ପାନୀର ସହାୟତାରେ ଶବଟି ପରିବାର ପାଖରେ ପହଞ୍ଚି ପାରିଥିଲା। ତେବେ ଆଜି ରାମଗିରିଠାରେ ଏକ ଭଡାଘରେ ରହୁଥିବା ସେହି ପରିବାର ନିକଟକୁ ପ୍ରଶାସନ ଓ ଜନପ୍ରତିନିଧୀଗଣ ପହଞ୍ଚି ଓରମାସ ତରଫର ଆର୍ଥିକ ସହାୟତା ପଚାଶ ହଜାର ଟଙ୍କାର ଚେକ୍ ପ୍ରଦାନ କରିଛନ୍ତି। ରା. ଉଦୟଗିରି ଗୋଷ୍ଠୀ ଉନ୍ନୟନ ଅଧୀକାରୀ ଲରିମନ ଖର୍ସେଲ, ପଞ୍ଚାୟତ ସମ୍ମିତି ଅଧ୍ୟକ୍ଷ ଲକ୍ଷ୍ମୀନାରାୟଣ ଶବର ଓ ଜିଲ୍ଲା ବିଜେଡି ସଭାପତି ଜଗବନ୍ଧୁ ଦାସ ଙ୍କ ପ୍ରଚେଷ୍ଠାରେ ଏହି ସହାୟତା( ଓରମାସ୍ ) ଦ୍ୱାରା ସ୍ବୀକୃତି ପାଇଥିବା ଜଣା ପଡିଛି। ଏହି କାଯ୍ୟକ୍ରମରେ ମାଇନେରିଟି ସେଲର ରାଜ୍ୟ ଉପଦେଷ୍ଠା ତଥା ବିଜୁଜନତା ଦଳର ରାଜ୍ୟ ଯୁଗ୍ମ ସମ୍ପାଦକ ପୃଥିରାଜ ସାହୁ, ବ୍ଲକ ବିଜେଡି ସଭାପତି ଭୀମ ପାଇକ ଉପସ୍ଥିତ ଥିଲେ।