ଭୁବନେଶ୍ୱର: ରୋଟାରୀ କ୍ଲବ ଭୁବନେଶ୍ୱର ଉକ୍ରଳ ପକ୍ଷରୁ ମହାମାରୀ କରୋନାର ସୁରକ୍ଷା ପାଇଁ ଆଜି ଅପରାହ୍ନରେ ଗଣମାଧ୍ୟମ ପ୍ରତିନିଧିଙ୍କ ଉଦ୍ଦେଶ୍ୟରେ ମାସ୍କ ବଂଟନ କରାଯାଇଛି । ଏହି ଉପଲକ୍ଷେ ବୈଦ୍ୟୁତିକ ଗଣମାଧ୍ୟମ ନ୍ୟୁଜ – ୭ ର ମୁଖ୍ୟ କାର୍ଯ୍ୟାଳୟ ଜାଗମରା ଠାରେ ରୋଟାରିଆନ୍ ଡ. ଆର୍ଯ୍ୟ କୁମାର ଜ୍ଞାନେନ୍ଦ୍ର, ନ୍ୟୁଜ- ୭ ର ମୁଖ୍ୟ ପ୍ରଶାସକ ସୁନିଲ୍ କୁମାର ଦାସଙ୍କୁ ମାସ୍କ ପ୍ରଦାନ କରିଥିଲେ । ଏକ ସଂକ୍ଷିପ୍ତ ଉତ୍ସବରେ ଡ.ଜ୍ଞାନେନ୍ଦ୍ର କହିଲେ ଯେ ବିଶ୍ୱର ଏହି ବିପତି ସମୟରେ ନିଜକୁ ନିଜେ ସୁରକ୍ଷିତ ରଖିବା ସହ ନିଜ ପରିବାର ସୁରକ୍ଷା ଦାୟିତ୍ୱକୁ ପ୍ରାଥମିକତା ଦେବାକୁ ସେ ସମସ୍ତ କର୍ମକର୍ତା ଓ କର୍ମଚାରୀ ବନ୍ଧୁମାନଙ୍କୁ ନିବେଦନ କରିଥିଲେ । କାର୍ଯ୍ୟକ୍ରମର ପ୍ରାରମ୍ଭରେ ରୋଟାରୀ କ୍ଲବ ଉକ୍ରଳର ସଂପାଦକ ରୋଟାରିଆନ୍ ସମ୍ବିତ୍ ଶତପଥି ସ୍ୱାଗତ ଭାଷଣରେ କହିଲେ ଯେ ଗତ ୫ ମାସ ଧରି ଆମ କ୍ଲବ ତରଫରୁ ଏହି କାର୍ଯ୍ୟକ୍ରମ ହାତକୁ ନିଆଯାଇଛି । ମାସ୍କ ବଂଟନ ସହିତ ହସ୍ତଶିଳ୍ପୀ ଓ ଦୁଃସ୍ଥ କଳାକାର ପରିବାରଙ୍କୁ ଶୁଖିଲା ଖାଦ୍ୟ ବଂଟନ କରାଯାଉଛି । ନ୍ୟୁଜ – ୭ ର କର୍ମକର୍ତା ଶ୍ରୀ ଦାସ କହିଲେ ଯେ ରୋଟାରୀ କ୍ଲବ ଉକ୍ରଳର ଏହି କାର୍ଯ୍ୟ ଅନ୍ୟ ସମାଜସେବୀ ସଂସ୍ଥା ପାଇଁ ଉଦାହରଣ ସୃଷ୍ଟି କରିବ । ଶେଷରେ ରୋଟାରିଆନ୍ ଆଶିଷ କୁମାର ସାହୁ ଧନ୍ୟବାଦ ଦେଇଥିଲେ । ଅନ୍ୟମାନଙ୍କ ମଧ୍ୟରେ ରୋଟାରୀଆନ୍ ସଂଜୀବ ମହାପାତ୍ର, ନ୍ୟୁଜ-୭ ର ବରିଷ୍ଠ କର୍ମକର୍ତା ଦେବ ନାରାୟଣ ସେଠୀ, ସୁକାନ୍ତ ରାଉତରାୟ, ମିହିର ଦାସ, ସୌଭାଗ୍ୟ ଲକ୍ଷ୍ମୀ, ସିଦ୍ଧାର୍ଥ ରାୟ, ଅମର ପଟ୍ଟନାୟକ, ଲକ୍ଷ୍ମୀକ୍ଷର ମହାପାତ୍ର ପ୍ରମୁଖ ଉପସ୍ଥିତ ଥିଲେ ।