ଭୁବନେଶ୍ୱର: ଶ୍ରୀଜିଉଙ୍କ ପବିତ୍ର ଘୋଷଯାତ୍ରା ଅବସରରେ ପ୍ରସ୍ତୁତ ହୋଇଛି ଶ୍ରୀଜଗନ୍ନାଥ ଅଷ୍ଟକମକୁ ନେଇ ଏକ ସୁନ୍ଦର ଭିଡିଓ ଆଲବମ୍ । ଏଥିରେ କଣ୍ଠଦାନ ସହ ଅଭିନୟ କରିଛନ୍ତି ବଲିଉଡର ଜଣାଶୁଣା ଶିଳ୍ପୀ ପଦ୍ମଶ୍ରୀ କୈଳାସ ଖେର ଓ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର । ଏଥର ବି କରୋନା ପାଇଁ ବିନା ଭକ୍ତରେ ଆୟୋଜିତ ହେଉଛି ବିଶ୍ୱ ପ୍ରସିଦ୍ଧ ରଥଯାତ୍ରା । ତେଣୁ ଏହି ଅବସରରେ ଜନସାଧାରଣ ଘରେ ରହି ଟେଲିଭିଜନ୍ ଓ ଡିଜିଟାଲ ମାଧ୍ୟମରେ ରଥଯାତ୍ରା ଦେଖିବାକୁ ଅନୁରୋଧ କରିଛନ୍ତି ସମ୍ବିତ କହିଛନ୍ତି, କରୋନାକୁ ଶୀଘ୍ର ସମାପ୍ତ କରନ୍ତୁ ବୋଲି ଆମେ ମହାପ୍ରଭୁଙ୍କ ଚରଣରେ ପ୍ରାର୍ଥନା କରିବା । ମଣିମାଙ୍କ ଦର୍ଶନ କରିବା ପାଇଁ ଆମେ ସମସ୍ତେ ଲାଳାୟିତ ତେଣୁ ଆପଣ ସମସ୍ତଙ୍କୁ ହାତଯୋଡି ଅନୁରୋଧ କରୁଛି, ସମସ୍ତେ ସରକାରୀ କଟକଣା ପାଳନ କରନ୍ତୁ ବୋଲି ସମ୍ବିତ କହିଛନ୍ତି ।