ଭୁୁବନେଶ୍ୱର : ସତର୍କତା ଏବଂ ସଚେତନତା ହିଁ କରୋନାକୁ ରୋକିବାର ଶ୍ରେଷ୍ଠ ଉପାୟ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ସେ ଟ୍ୱିଟ କରି କହିଛନ୍ତି ଯେ – ଦେଶରେ ବୃଦ୍ଧି ପାଉଥିବା କରୋନାର ଦ୍ୱିତୀୟ ଲହର ପୁଣିଥରେ ଆମ ସମସ୍ତଙ୍କ ପାଇଁ ଏକ ବଡ଼ ଆହ୍ୱାନ ଭାବେ ଉଭା ହୋଇଛି । ଆମର ସତର୍କତା ଏବଂ ସଚେତନତା ହିଁ ଏହାକୁ ରୋକିବାର ଶ୍ରେଷ୍ଠ ଉପାୟ । ରାଜ୍ୟରେ ଲକଡାଉନ ପରି ସ୍ଥିତିକୁ ଏଡ଼ାଇବା ପାଇଁ ମାସ୍କ ନିୟମିତ ପିନ୍ଧିବା ସହ କୋଭିଡ ନିୟମର କଡ଼ାକଡ଼ି ପାଳନ କରନ୍ତୁ ବୋଲି ସେ କହିଛନ୍ତି ।
ସେ କହିଛନ୍ତି ଯେ – ଆମେ ସତର୍କ ଏବଂ ସଚେତନ ହେଲେ ହିଁ କରୋନା ସଂକ୍ରମଣକୁ ପ୍ରତିରୋଧ କରିପାରିବା । ଆମର ସାମାନ୍ୟ ଅସାବଧାନତା ଏକ ବଡ଼ ବିପଦର କାରଣ ସାଜିପାରେ । ତେଣୁ କୋଭିଡ ନିୟମର କଡ଼ା ଅନୁପାଳନ ସହ ନିୟମିତ ମାସ୍କ ପରିଧାନ ଦ୍ୱାରା ଆସନ୍ତୁ ନିଜକୁ ତଥା ସମଗ୍ର ସମାଜକୁ ସୁରକ୍ଷିତ କରିବା ବୋଲି ସେ କହିଛନ୍ତି ।