ଢେଙ୍କାନାଳ,୮ ।୦୬(ନି.ପ୍ର.): ଢେଙ୍କାନାଳ ସହରର ବିଶିଷ୍ଟ ସମାଜସେବୀ, ବୟୋଜ୍ୟେଷ୍ଠ ରାଜନୀତିଜ୍ଞ, ମୀନାବଜାର ଲକ୍ଷ୍ମୀପୂଜା ପ୍ରତିଷ୍ଠାନର ସାଧାରଣ ସଂପାଦକ, ଢେଙ୍କାନାଳ ପୌରପାଳିକାର ପୂର୍ବତନ ଉପାଧ୍ୟକ୍ଷ ତଥା ପୂର୍ବତନ ମୁଖ୍ୟମନ୍ତ୍ରୀ ସ୍ୱର୍ଗତା ନନ୍ଦିନୀ ଶତପଥୀଙ୍କର ଅତ୍ୟନ୍ତ ଘନିଷ୍ଠ ଥିବା ସାରଙ୍ଗଧର ମହାପାତ୍ରଙ୍କର ସ୍ଥାନୀୟ ମୀନାବଜାରସ୍ଥିତ ବାସଭବନରେ ଆଜି ଭୋର ସମୟରେ ପରଲୋକ ହୋଇଯାଇଛି ।ମୃତ୍ୟୁ ବେଳକୁ ତାଙ୍କୁ ୯୨ ବର୍ଷ ହୋଇଥିଲା । ସେ ବହୁତ ଦିନ ହେଲା ବାର୍ଦ୍ଧକ୍ୟ ଜନିତ ରୋଗରେ ପୀଡିତ ଥିଲେ । ଏହି ଖବର ପ୍ରଚାରିତ ହେବା ମାତ୍ରେ ସ୍ଥାନୀୟ ଅଂଚଳ ତଥା ଢେଙ୍କାନାଳ ସହରରେ ଶୋକର ଛାୟା ଖେଳିଯାଇଥିଲା ।