କୋରାପୁଟ: କୋରାପୁଟ ଜିଲ୍ଲା ପଟାଙ୍ଗି ଥାନା ଅନ୍ତର୍ଗତ ହାଟଗୁଡା ଗ୍ରାମରେ ଏକ ଅଭାବନୀୟ ଘଟଣା ଘଟିଛି । ଜଣେ ମଦ୍ୟପ ସ୍ୱାମୀଙ୍କ ମାଡରେ ମହିଳାଙ୍କ ମୃତ୍ୟୁ ଘଟିଛି । ଏନେଇ ଥାନାରେ ଅଭିଯୋଗ ହେବାପରେ ପଟାଙ୍ଗି ପୋଲିସ ଅଭିଯୁକ୍ତକୁ ଗରିଫ କରିବାସହ ମୃତ ମହିଳାଙ୍କ ଶବ ବ୍ୟବଚ୍ଛେଦ କରାଇ ପରିବାର ଲୋକଙ୍କୁ ହସ୍ତାନ୍ତର କରିଛି । ସୂଚନା ଅନୁଯାଇ, ଘାସି ପାମିଆ ସ୍ତ୍ରୀ ସୁଶିଳା ପାମିଆ (୩୦) ଙ୍କ ସହତି ଦୀର୍ଘବର୍ଷ ହେଲା ହାଟଗୁଡା ଗ୍ରାମରେ ରହି ଆସୁଥିଲେ । ପ୍ରତିଦିନ ଘାସି ମଦ୍ୟପାନ କରି ଆସି ସୁଶିଳାଙ୍କ ସହିତ ଗଣ୍ଡଗୋଳ କରିବା ସହିତ ମାରପିଟ କରୁଥିଲେ । କିଛି ଦିନ ତଳେ ମଧ୍ୟ ଘାସି ମଦ୍ୟପାନ କରି ସ୍ତ୍ରୀ ସୁଶିଳାଙ୍କ ସହିତ ଗଣ୍ଡଗୋଳ କରିବାସହ ପ୍ରବଳ ମାଡ ମାରଥିଲେ । ଏଥିରେ ସୁଶିଳା ଗୁରୁତର ହେବା ଖବର ପାଇ ତାଙ୍କ ଭାଇ ଅର୍ଜୁନ ମଣ୍ଡାଗୁଡିଆ ହାଟଗୁଡା ଗ୍ରାମର ପହିଂଚିଥିଲେ । ଗୁରୁତର ଅବସ୍ଥାର ଥିବା ଭଉଣୀ ସୁଶିଳାଙ୍କୁ କୁନ୍ଦୁଲି ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରାଇଥିଲେ । କିନ୍ତୁ ଚିକିତ୍ସାଧୀନ ଅବସ୍ଥାରେ ସୁଶିଳାଙ୍କ ମୃତ୍ୟୁ ହୋଇ ଯାଇଥିଲା । ଏନେଇ ଅର୍ଜୁନ ପଟାଙ୍ଗି ଥାନାରେ ଏତଲା ଦେବାପରେ ପୋଲିସ ଅଭିଯୁକ୍ତ ଘାସି ପାମିଆଙ୍କୁ ଗିରଫ କରି ଥାନାକୁ ନେଇଥିଲା । ଏଥିସହ ପୋଲିସ ସୁଶିଳାଙ୍କ ଶବ ଜବତ କରି ବ୍ୟବଚ୍ଛେଦ କରାଇବା ପରେ ପରିବାର ଲୋକଙ୍କୁ ହସ୍ତାନ୍ତର କରିଛି । ଏନେଇ କେସ୍ ନଂ ୭/୨୧ ଓ ଦଫା ୩୦୨ ଅନୁଯାଇ ଏକ ମାମଲା ରୁଜୁ କରି ଅଭିଯୁକ୍ତ ଘାସିକୁ କୋର୍ଟ ଚାଲାଣ କରିଛି ଥିବା ପଟାଙ୍ଗି ଥାନା ଅଧିକାରୀ ବିଜୟ ରାଜ ମାଝି ସୂଚନା ଦେଇଛନ୍ତି ।