ଯାଜପୁର : ବରୀ ନିର୍ବାଚନ ମଣ୍ଡଳୀ ଅନ୍ତର୍ଗତ ଯାଜପୁର ବ୍ଲକ ଛତିଶଦେବିଲ ପଂଚାୟତ ହାସିନପୁରଠାରେ ଖରସ୍ରୋତା ନଦୀର ଶାଖା ନଦୀ ତନ୍ତୀଘାଇ ନଦୀର ଲେବୁଲ ମୁଣ୍ଡରେ ହାସିନ୍ପୁରଠାରେ ନଦୀ ପାଶ୍ୱର୍ରେ ଗାର୍ଡୱାଲ ନିର୍ମାଣ ପାଇଁ ଅଂଚଳବାସୀ ଦାବି କରିଛନ୍ତି । ସୂଚନା ଅନୁଯାୟୀ ତନ୍ତୀଘାଇ ନଦୀରେ ପ୍ରତ୍ୟେକ ବର୍ଷ ଏହି ସ୍ଥାନରେ ଛୋଟ ବଡ ଦୁର୍ଘଟଣାମାନ ଘଟୁଛି । ଅନେକ ସମୟରେ ଲୋକେ ମଧ୍ୟ ପ୍ରାଣ ହରାଇଛନ୍ତି । ଗତ କିଛି ମାସ ପୂର୍ବେ ଏହି ସ୍ଥାନରେ ଜଣେ ଯୁବତୀ ଖସି ପଡି ମୃତ୍ୟୁ ବରଣ କରିଥିବା ବେଳେ ଶନିବାର ଦିନ ଅପରାହ୍ନରେ ସ୍ଥାନୀୟ ଅଂଚଳର ଜଣେ ଯୁବକ ନଦୀ ତଳକୁ ଖସି ପଡିଥିଲେ ।