ପୁରୀ: ପୁରୀ ଜିଲ୍ଲାର ବଳଙ୍ଗା ଥାନା ଅନ୍ତର୍ଗତ କୁଅଁରପୁର ଗ୍ରାମ ଠାରେ ୩ଜଣ ଦୁର୍ବୁତ ଏକ ନମ୍ବର ବିହିନ କାରରେ ଛେଳି ଚୋରୀ କରିବାକୁ ଉଦ୍ୟମ କରୁଥିବା ବେଳେ ସ୍ଥାନିୟ ଲୋକଙ୍କ ହାତରେ ଧରାପଡି ନିସ୍ତୁକ ଛେଚିଚା ସହ ପୁଲିସ ଜିମା ଦେଇଛନ୍ତି । ଘଟଣାରୁ ପ୍ରକାଶ ଯେ ଅପରାହ୍ନରେ କୁଅଁରପୁର ବାଣିଶ୍ରୀ ମହାବିଦ୍ୟାଳୟ ଠାରେ ଏକ ନମ୍ବର ବିହିନ ଇଣ୍ଡିଗୋ କାର ଅଟକି ଥିଲା । ଏବଂ ଏହି କାରରେ ଥିବା ୩ଜଣଙ୍କ ମଧ୍ୟରୁ ୨ଜଣ ଯୁବକ ବାହାରିଥିଲେ । ଜଣେ କାର ନକଟରେ ଠିଆ ହୋଇଥିଲା ବେଳେ ଅନ୍ୟ ଜଣେ ଯୁବକ ରାସ୍ତା ପାଶ୍ୱ୍ରରେ ଚରୁଥିବା ଏକ ଛେଳି ନିକଟକୁ ଯାଇ ଛେଳିକୁ ଧରିବାକୁ ଉଦ୍ୟମ କରୁଥିଲା । ଏହି ଘଟଣାକୁ ନିକଟରୁ ୨ଜଣ ଯୁବକ ଦେଖୁଥିଲେ । ଏବଂ ସନେ୍ଦହ ହେବାରୁ କାର ନିକଟକୁ ଆସିବାରୁ ଯୁବକଙ୍କୁ ଏଠାରେ କଣ କରୁଛ ବୋଲି ପଚାରିଥିଲେ । ୩ଜଣଙ୍କ କଥାରେ ସନେ୍ଦହ ହେବାରୁ ଛେଳି ଚୋରୀକରୁଥିବା ସନେ୍ଦହ ୨ଯୁବକ ପାଟି ଗାଁ ଲୋକମାନଙ୍କୁ ଡାକିଥିଲେ । ପାଟି ଶୁଣି ଘଟଣା ସ୍ଥଳରେ ଗାଁ ଲୋକାମାନେ ପଂହଚି କାରରେ ନମ୍ବର ପ୍ଲେଟ ନଥିବାରୁ ଯୁବକ ମାନଙ୍କ ଉପରେ ସନେ୍ଦହ ଦୃଡିଭୁତ ହେବାରୁ କାର ଭିତରକୁ ଯାଂଚ କରିଥିଲେ । ଯାଂଚ ସମୟରେ କାର ଭିତରେ ଛୋଟ ଛୋଟ ପଥର ଥିବା ସହ (ଓଡି ୧୩ ବି ୪୫୧୫) ନଂ ଥିବା ଏକ ନମ୍ବର ପ୍ଲେଟ ମିଳିଥିଲା । ଯୁବକ ମାନଙ୍କ କଥାରେ ତାଳ ମେଳ ନରହିବାରୁ ଉପସ୍ଥିତ ଥିବା ଲୋକମାନେ ଉତ୍ୟକ୍ତ ହେବା ସହ ଏହି ୩ଜଣ ଯୁବକ ମାନଙ୍କୁ ନିର୍ଧୁମ ଛେଚିବା ପରେ ଗ୍ରାମର କ୍ଲବ ଘରେ ଅଟକ ରଖି ପୁଲିସକୁ ଖବର ଦେଇଥିଲୋ