କଟକ: ସାମାନ୍ୟ ଡ୍ରେନ୍ ଚାମ୍ବରକୁ କେନ୍ଦ୍ର କରି ଜଣେ ବୃଦ୍ଧଙ୍କୁ ମାଡ ମାରିଛନ୍ତି ବିଜେଡି ନେତା । ନେତା ଜଣଙ୍କ ହେଉଛନ୍ତି ବିଜେଡି ସାଧାରଣ ସମ୍ପାଦକ ତାପସ ମହାନ୍ତି । କଟକ ଜଗତପୁର ଥାନା ଅନ୍ତର୍ଗତ ପଣ୍ଡା ସାହିର ଲକ୍ଷ୍ମୀଧର ପଣ୍ଡା ଏବଂ ତାଙ୍କ ପରିବାରକୁ ତାପସ ନିସ୍ତୁକ ମାଡ ମାରିଥିବାର ଅଭିଯୋଗ ହୋଇଛି । ଲକ୍ଷ୍ମୀଧରଙ୍କ କହିବା ଅନୁସାରେ ତାପସ ସମେତ କିଛି ସ୍ଥାନୀୟ ଲୋକେ ତାଙ୍କ ଘରକୁ ଲାଗିଥିବା ଡ୍ରେନ୍ ଚାମ୍ବରକୁ ପ୍ରଥମେ ଭଙ୍ଗାରୁଜା କରିଥିଲେ । ମୁଁ ଏବଂ ମୋ ପରିବାର ଏହାକୁ ବିରୋଧ କରିବାରୁ ତାପସ ଓ ସ୍ଥାନୀୟ ଲୋକେ ମୋ ପରିବାରକୁ ଆକ୍ରମଣ କରିଥିଲେ । ଏପରିକି ତାପସ ମୋତେ ଠେଲି ଦେବା ସହ ମୋ ଉପରକୁ ଠେଙ୍ଗା ଉଠାଇଥିଲେ । ସେହି ସମୟର ଦୃଶ୍ୟ ସିସିଟିଭିରେ ବି କଏଦ୍ ହୋଇଛି ।