ମୟୂରଭଞ୍ଜ- ଘରକୁ ଫେରିଥିଲେ ଗଢିଥାନ୍ତେ ସୁଖର ସଂସାର । ସରିଥିଲା ସବୁ ପ୍ରସ୍ତୁତି । ପରିବାର ଲୋକ ଅନାଇ ରହିଥିଲେ ପୁଅ କେତେବେଳେ ଫେରିବ । ସେପଟେ ଭାବି ପତ୍ନି ନୂଆ ସ୍ୱାମୀଙ୍କୁ ପାଇବା ପାଇଁ କରିଥିଲା ଅପେକ୍ଷା । ମାତ୍ର ବିଧିର ବିଧାନ କେ କରିବ ଆନ । ଚୁରମାର ହୋଇଗଲା ସବୁ ଆଶା । ଅଧୁରା ରହିଗଲା ସୁନେଲି ସ୍ୱପ୍ନ । କର୍ମ ଅନ୍ୱେଷଣରେ ସୁଦୂର ହରିୟାଣା ଯାଇଥିବା ଓଡିଆ ଯୁବକ ଦୁଭାର୍ଗ୍ୟ ଜନକ କରୋନାରେ ଆକ୍ରାନ୍ତ ହୋଇ ସବୁଦିନ ପାଇଁ ଆଖିବୁଜି ଦେଲେ ।ପୁଅକୁ ଦେଖିବା ପାଇଁ ଚାତକ ନୟନରେ ଅନାଇ ରହିଥିବା ପରିବାର ଦୁଃଖରେ ଭାଙ୍ଗିପଡିଛନ୍ତି । ପୁଅର ଶବ ମଧ୍ୟ ଆସିପାରିଲାନି । ଏପରି ଏକ ହୃଦୟସ୍ପର୍ଶୀ ଘଟଣା ମୂୟରଭଞ୍ଜ ଜିଲ୍ଲା ଉଦଳା ଥାନା ଅଂଚଳରେ ହୋଇଛି । ଅସୁସ୍ଥ ହୋଇ ହରିୟାଣା ସ୍ଥିତ ଡାକ୍ତରଖାନାରେ ଚିକିତ୍ସିତ ଅବସ୍ଥାରେ ମୃତୁ୍ୟ ବରଣ କରିଥିବା ଏହି ହତଭାଗ୍ୟ ଯୁବକ କରୋନାରେ ଆକ୍ରାନ୍ତ ହୋଇଥିବା ଜଣାପଡିଲା ।