ରାଉରକେଲା : ସୁନ୍ଦରଗଡ଼ ଜିଲ୍ଲାର ବିଶ୍ରାରୁ ରାଉରକେଲାକୁ ଚାଲାଣ ହେଉଥିବା ଗୋମାଂସ ବୋଝେଇ ଅଟୋକୁ ବନ୍ଧମୁଣ୍ଡା ପୁଲିସ ଜବତ କରିଛି l ଘଟଣାସ୍ଥଳରୁ ଚମ୍ପଟ ମାରୁଥିବା ଅଟୋ ଚାଳକ ମହମ୍ମଦ ସାଜିଦ ରେଳଧାରଣାରେ ପଡ଼ି ଗୁରୁତର ଆହତ ହୋଇଛନ୍ତି l କୁତ୍ରାରୁ ଚରିଟି ପିକଅପ ଭ୍ୟାନରେ ଗୋରୁମାଂସ ବୋଝେଇ ହୋଇ ଝାଡ଼ଖଣ୍ଡ ଚାଲାଣ ହେଉଥିଲାl ଏସଂପର୍କରେ ବଜରଙ୍ଗ ଦଳ କର୍ମୀମାନେ ସୂଚନା ପାଇ ଚାରିଟି ଗାଡ଼ିର ପିଛା କରିଥିଲେ l ବନ୍ଧମୁଣ୍ଡା କୁକୁଡା ରେଳ ଫାଟକ ଅତିକ୍ରମ କରିବା ପରେ ଫାଟକ ପଡ଼ିଯାଇଥିଲା l ବଜରଙ୍ଗ ଦଳ କର୍ମୀମାନେ ନିରାଶ ହୋଇ ସେଠାରୁ ଫେରୁଥିବା ବେଳେ ଗୋମାଂସ ବୋଝେଇ ଅଟୋ ହାବୁଡ଼ରେ ପଡ଼ି ଯାଇଥିଲା l