ଭୁବନେଶ୍ୱର- ୨୦୨୦-୨୧ ଶିକ୍ଷାବର୍ଷ ପାଇଁ ପ୍ରାଥମିକ ଓ ମାଧ୍ୟମିକ ବିଦ୍ୟାଳୟରେ ଆଡମିଶନ ଜୁଲାଇ ୧୫ ସୁଦ୍ଧା ସାରିବାକୁ ବିଜ୍ଞପ୍ତି ଜାରି କରିଛି ସ୍ୱୁଲ ଓ ଗଣଶିକ୍ଷା ବିଭାଗ । ଶୁକ୍ରବାର ରାଜ୍ୟର ସମସ୍ତ ଡିଇଓ ,ଡିପିସି ଓ ବିଇଓଙ୍କୁ ଚିଠି ଲେଖିଛି ବିଭାଗ । ସକାଳ ୭ରୁ ୯.୩୦ ମଧ୍ୟରେ ଆଡମିସନ ହେବ । ଏହି ସମୟରେ ଛାତ୍ର ଓ ଅଭିଭାବକକୁ ମିଶାଇ ୫ରୁ ଅଧିକ ଲୋକ ଉପସ୍ଥିତ ହେବେ ନାହିଁ । ସେହିପରି ସରକାରଙ୍କ ଗାଇଡଲାଇନ ଅନୁଯାୟୀ ମାସ୍କ ପିନ୍ଧିବା ଓ ସାନିଟାଇଜର କରିବା ସହିତ ସାମାଜିକ ଦୂରତା ବଜାୟ ରଖିବାକୁ ପଡିବ ।