ଭୁବନେଶ୍ୱର : ଓଡ଼ିଶା ଲାଇବ୍ରେରୀ ଏକାଡେ଼ମିର ଷଷ୍ଠ ୱେବ୍ନାର ସିରିଜ୍ ଆୟୋଜିତ ହୋଇଯାଇଛି । ଲାଇବ୍ରେରୀ, ସୂଚନା କେନ୍ଦ୍ର , ସଂଗ୍ରହାଳୟର ପ୍ରଫେସନାଲମାନଙ୍କୁ ସାହାଯ୍ୟ କରିବା ସହ ବିଭିନ୍ନ ପରିସ୍ଥିତିର ସମାଧାନ ପାଇଁ ଓଡ଼ିଶା ଲାଇବ୍ରେରୀ ଏକାଡେ଼ମି ନିୟମିତ ୱେବ୍ନର ଓ ୱେବକାଷ୍ଟ ଧରିଥାଏ । କରୋନା ମହାମାରୀ ସତ୍ୱେ ଓଏଲଏ ୬ଟି ୱେବ୍ନାର କରିସାରିଛି । ଏଥିରେ ମୁକ୍ତ ଉତ୍ସ ପ୍ରଯୁକ୍ତିବିଦ୍ୟା, ଅନୁସନ୍ଧାନ ତଥ୍ୟ ପରିଚାଳନା , ସମଗ୍ର ବିଶ୍ୱରେ ଜଣାଶୁଣା ବିଶେଷଜ୍ଞଙ୍କ ଦ୍ୱାରା କୋଭିଡ଼-୧୯ ପରିସ୍ଥିତିରେ ମେଟ୍ରିକ୍ ଟୁ ଆଲ୍ଟମେରିକ୍ସ ଏବଂ ଏସଓପି ଉପରେ ଆଲୋଚନା କରାଯାଇଛି ।
“ ମହାମାରୀ ଦୁନିଆରେ ପୁନଃ ଲାଇବ୍ରେରୀ ଖୋଲିବାର ରଣନୀତି ” ବିଷୟରେ ଆଲୋଚନା ରେ ମୂଖ୍ୟ ଅତିଥି ଭାବେ କାନାଡ଼ାର ଅନଟାରିଓର ପବ୍ଲିକ ଲାଇବ୍ରେରୀ ଫେଡେ଼ରେସନର କାର୍ଯ୍ୟନିର୍ବାହୀ ନିର୍ଦ୍ଦେଶକ ଷ୍ଟିଫେନ୍ ଆବ୍ରାନ ଯୋଗ ଦେଇଥିଲେ । ଲାଇବ୍ରେରୀ ସୂଚନା ସଂଗ୍ରହାଳୟ ପାଇଁ ଶ୍ରୀ ଅବରାମ ନିଜର ମତାମତ ରଖିଥିଲେ । ଏଥିରେ ଓଏଲଏର ସଭାପତି ଡ଼କ୍ଟର ବାନାମ୍ବର ସାହୁ ଅଧ୍ୟକ୍ଷତା କରିଥିବାବେଳେ ବିଜୟ କେତନ ପଣ୍ଡା ଓ ଡ଼କ୍ଟର ନୃସିଂହ ଦାଶ କାର୍ଯ୍ୟକ୍ରମ ଆୟୋଜନ କରିଥିଲେ । ଅଧିବେଶନରେ ଡ଼କ୍ଟର ସତ୍ୟ ରଞ୍ଜନ ସାହୁ , ବସନ୍ତ କୁମାର ଦାସ ଓ ନିରଞ୍ଜନ ମହାପାତ୍ର ୱେବ୍ନାର ସିଷ୍ଟମ ଆଡ଼ମିନସ୍ଟ୍ରେଟର ଭାବରେ ସହାୟତା ପ୍ରଦାନ କରିଥିଲେ । ଅଧିବେସନରେ ୪୦୦ରୁ ଅଧିକ ପ୍ରଫେସନାଲ ଯୋଗ ଦେଇଥିବାବେଳେ ଡ଼କ୍ଟର ପ୍ରଜ୍ଞା ଦାସଙ୍କ ଧନ୍ୟବାଦ ଅର୍ପଣ ସହ ଅଧିବେସନ ସମାପ୍ତ ହୋଇଥିଲା । । ଏକାଡେ଼ମୀର ସାଧାରଣ ସମ୍ପାଦକ ଡ଼କ୍ଟର ବାସୁଦେବ ମହାନ୍ତି ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ ସପ୍ତମ ୱେବ୍ନାର ଜୁନ ୨୭ରେ ଅନୁଷ୍ଠିତ ହେବ ।