ଭୁବନେଶ୍ବର: ଆଜି ରାଜ୍ୟର ବିଭିନ୍ନ ଅଞ୍ଚଳରେ ୪୦ ଡିଗ୍ରି ସେଲିସିୟସ୍ରୁ ଅଧିକ ଉତ୍ତାପ ରେକର୍ଡ କରାଯାଇଛି। ଟିଟିଲାଗଡ଼ର ତାପମାତ୍ରା ୪୫. ୫ ଡିଗ୍ରି ସେଲିୟିସ୍ରେ ଥିବା ବେଳେ ଭବାନୀପାଟଣାର ତାପମାତ୍ରା ୪୪. ୨ ଡିଗ୍ରି ସେଲିସିୟସ୍ ରେକର୍ଡ କରାଯାଇଛି। ସେହିପରି ତାଳଚେରରେ ୪୩. ୮, ବଲାଙ୍ଗିରରେ ୪୩. ୦, ସମ୍ବଲପୁରରେ ୪୨. ୬, ବୌଦ୍ଧରେ ୪୨. ୫, ଝାରସୁଗୁଡ଼ା, ହୀରାକୁଦ ଓ ସୁବର୍ଣ୍ଣପୁରରେ ୪୨. ୨, ପାରଳାଖେମୁଣ୍ଡିରେ ୪୨. ୦, ଫୁଲବାଣୀରେ ୪୧. ୪ ଏବଂ ଅନଗୁଳରେ ୪୧. ୩ ଡିଗ୍ରି ସେଲିସିୟସ୍ ତାପମାତ୍ରା ହୋଇଥିବା ରେକର୍ଡ କରାଯାଇଛି। ଗ୍ରୀଷ୍ମ ପ୍ରବାହଜନିତି ପରିସ୍ଥିତିର ମୁକାବିଲା ନିମନ୍ତେ ସ୍ବତନ୍ତ୍ର ରିଲିଫ୍ କମିସନର୍ ଜିଲ୍ଲାପାଳମାନଙ୍କୁ ନିର୍ଦେଶ ଦେଇଛନ୍ତି।