ଭୁବନେଶ୍ୱର : ଏକଦା କରୋନା ଚିକିତ୍ସା ପାଇଁ ଏକ ନମ୍ବର ସ୍ଥାନରେ ଥିଲା କ୍ୟାପିଟାଲ ହସ୍ପିଟାଲ । ପ୍ରଥମେ ଏଠାରେ ଆରମ୍ଭ ହୋଇଥିଲା କରୋନା ଚିକିତ୍ସା । ଆଇସୋଲେସନ ୱାଡର଼୍,ନମୁନା ସଂଗ୍ରହ ଓପରୀକ୍ଷା ,ଥର୍ମାଲ ସ୍କ୍ରିନିଂ ସହିତ ଥିଲା ସବୁ ବ୍ୟବସ୍ଥା । ବର୍ତମାନ ରାଜଧାନୀର କେନ୍ଦ୍ରସ୍ଥଳୀରେ ଅବସ୍ଥିତ ଏହି ଡ଼ାକ୍ତରଖାନାରେ ସବୁ ଅବ୍ୟବସ୍ଥା । କରୋନା ସଂକ୍ରମଣ ନିୟନ୍ତ୍ରଣ ଓ ଉପଯୁକ୍ତ ଚିକିତ୍ସା ପାଇଁ ମିଳୁଛି ପର୍ଯ୍ୟାପ୍ତ ଅର୍ଥ । ମାତ୍ର ସଠିକ୍ ବିନିଯୋଗ ହୋଇ ପାରୁନଥିବା ପରିଲକ୍ଷିତ ହେଉଛି । କରୋନା ଓପିଡି କରାଯାଇଛି ଯେଉଁଠି ସନ୍ଦିଗ୍ଧଙ୍କ ନମୁନା ସହିତ ସ୍ବାବ୍ ସଂଗ୍ରହ କରାଯାଉଛି। ଏଠାକୁ ଆସୁଥିବା ଅନ୍ୟ ରୋଗୀ ବା ସମ୍ପର୍କୀୟଙ୍କ ନିମନ୍ତେ ହସ୍ପିଟାଲର ୬ଟି ସ୍ଥାନରେ ହାତ ଧୋଇବା ନିମନ୍ତେ ୬ଟି ବେସିନ କେବଳ କରୋନା ପାଇଁ ହିଁ କରାଯାଇଛି; କିନ୍ତୁ ହ୍ୟାଣ୍ଡୱାସ୍ ନାହିଁ। ସେହିପରି ଅନ୍ୟାନ୍ୟ ବେସିନର ଅବସ୍ଥା ସମାନ । ଥର୍ମାଲ ସ୍କ୍ରିନିଂ ମେସିନ ଏବେ ବନ୍ଦ ରହିଛି। କେବଳ କରୋନା ଓପିଡିରେ ଯାହା ସ୍କ୍ରିନିଂ କରାଯାଉଛି। ପୋର୍ଟେବୁଲ ମାଇକ ଜରିଆରେ ସୁରକ୍ଷା କର୍ମୀ କରୋନା ନିମନ୍ତେ ସଚେତନ କରୁଥିଲେ। ଏନେଇ ୪ଟି ମେସିନ ଆସିଥିଲା, ତାହା ବି ଏବେ ବନ୍ଦ ରହିଛି।