ଭୁବନେଶ୍ୱର- ଆଜିଠୁ ରିଜର୍ଭେସନ ଟ୍ରେନ ଟିକେଟ ପାଇଁ କାଉଣ୍ଟର ଖୋଲା ରହିବ । ପୂବତଟ ରେଲୱର ୧୨ ଟି ଷ୍ଟେସନରେ ଟିକଟ ଉପଲବ୍ଧ ହେବାକୁ ଥିବା ବେଳେ ଆଜିଠାରୁ କମନ ସର୍ଭିସ ସେଂଟରରେ ମଧ୍ୟ ରିଜର୍ଭ ଟିକେଟ ମିଳିବ ।୧ ଲକ୍ଷ ୭୦ ହଜାର କମନ୍ ସର୍ଭିସ ସେଣ୍ଟରକୁ କାର୍ଯ୍ୟକ୍ଷମ କରାଯିବ ବୋଲି କେନ୍ଦ୍ର ରେଳମନ୍ତ୍ରୀ ପୀୟୂଷ ଗୋଏଲ କହିଛନ୍ତି । ଟିକେଟ କାଟିବା ବେଳେ ମାସ୍କ ଓ ସାମାଜିକ ଦୂରତା ବଜାୟ ରଖି ବାକୁ ରେଲୱେ ଜୋନକୁ କୁହାଯାଇଛି । ଅପରାହ୍ନ ୩ ଟା ପର୍ଯ୍ୟନ୍ତ ଟିକେଟ ମିଳିବ । ପଲାସା, ସୋମପେଟା,ଇଛାପୁରମ୍, ବହ୍ମପୁର, ଛତ୍ରପୁର,ବାଲୁଗାଁ, ଖୋର୍ଦ୍ଧା, ଭୁବନେଶ୍ୱର, କଟକ, ଯାଜପୁର, କେଉଁଝର ରୋଡ, ଭଦ୍ରକ, ଏବଂ ପୁରୀ ଷ୍ଟେସନରେ ରିଜର୍ଭ ଟିକେଟ ମିଳିବ । ଏହି ସବୁ ଷ୍ଟେସନରେ ବିଧାୟକ, ସାଂସଦ, ସ୍ୱାଧୀନତା ସଂଗ୍ରାମୀ, ଦିବ୍ୟାଙ୍ଗଙ୍କ ସହ ୧୧ ଟି ବର୍ଗର ଲୋକଙ୍କ ପାଇଁ କେବଳ ଟିକେଟ ଉପଲବ୍ଧ ହେବ ବୋଲି ରେଲୱ ପକ୍ଷରୁ ସୂଚନା ମିଳିଛି ।