ବିଞ୍ଝାରପୁର: ଯାଜପୁର ଜିଲ୍ଲାପାଳ ରଞ୍ଜନ କୁମାର ଦାସ ଆଜି ବିଞ୍ଝାରପୁର ବ୍ଲକ ଗସ୍ତରେ ଆସି ବିଭିନ୍ନ କରୋଂଟାଇନ ସେଂଟର ପରିଦର୍ଶନ କରିବା ସହ ବ୍ଲକ କାର୍ଯ୍ୟଳୟରେ କନୋନା ସମ୍ପର୍କୀତ ସମୀକ୍ଷା ବୈଠକ କରି ଫେରିଛନ୍ତି । ପ୍ରକାଶ ଯେ ଆଜି ପୂର୍ବାହ୍ନରେ ଯାଜପୁର ଜିଲ୍ଲାପାଳ ରଞ୍ଜନ କୁମାର ଦାସ ବିଞ୍ଝାରପୁର ବ୍ଲକ ଗସ୍ତରେ ଆସି ବ୍ଲକର ବରୁଣେଶ୍ୱର ମହାବିଦ୍ୟାଳୟ ସ୍ଥିତ କରୋଂଟାଇନ ସେଂଟର ବୁଲି ଦେଖିବା ସହ ବ୍ଲକ କାର୍ଯ୍ୟାଳୟ ବିଡ଼ିଓ ମିନତି ଜଗଦେବଙ୍କ ଅଧ୍ୟକ୍ଷତାରେ କରୋନା ସମ୍ପର୍କୀତ ଏକ ସମୀକ୍ଷା ବୈଠକରେ ମୁଖ୍ୟ ଅତିଥି ଭାବେ ଯୋଗଦେଇ ବିଞ୍ଝାରପୁର ବ୍ଲକରେ କରୋନା ସ୍ଥିତି ସମ୍ପର୍କରେ ସମିକ୍ଷା କରିବା ସହ ବିଭିନ୍ନ ରାଜ୍ୟମାନଙ୍କରୁ ବିଞ୍ଝାରପୁର ବ୍ଲକକୁ ଆସୁଥିବା ବା ଆସିବାକୁ ଥିବା ପ୍ରବାସୀ ଓଡ଼ିଆଙ୍କୁ କିପରି ବିଭିନ୍ନ କରୋଂଟାଇନ ସେଂଟରମାନଙ୍କରେ ସଠିକ୍ ଭାବେ ରଖାଯାଇ ପାରିବ ସେ ନେଇ ଜିଲ୍ଲାପାଳ ଶ୍ରୀ ଦାସ ପରାମର୍ଶ ଦେଇଥିଲେ । ଏହି ବୈଠକରେ ଉପଜିଲ୍ଲାପାଳ ନାରାୟଣ ଚନ୍ଦ୍ର ଧଳ, ପ୍ରକଳ୍ପ ନିଦେ୍ର୍ଧଶକ ଇନ୍ଦ୍ରମଣି ନାୟକ, ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ସନ୍ତୋଷ କୁମାର ସେଠୀ, ତହସିଲଦାର ଅସ୍ମିତା ଦାଶ, ବ୍ଲକ ଅଧ୍ୟକ୍ଷ ନନ୍ଦକିଶୋର ସାମଲ ପ୍ରମୁଖ ଉପସ୍ଥତ ଥିଲେ ।