କୋରାପୁଟ ୪ ବର୍ଷର ଶିଶୁ କନ୍ୟା ସହ ହୋଇଛି ଦୁଷ୍କର୍ମ। କୋରାପୁଟ ଜିଲ୍ଲା କାକିରିଗୁମ୍ମା ଅଂଚଳରେ ହୋଇଥିବା ଏହି ଘଟଣାରେ ପୀଡ଼ିତାଙ୍କ ଅବସ୍ଥା ଅତି ଗୁରୁତର ହୋଇ ପଡ଼ିଛି। ତାଙ୍କୁ କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜରେ ଚିକିତ୍ସା କରାଯାଉଛି। ପୁଲିସ ଅଭିଯୁକ୍ତକୁ ଅଟକ ରଖିଛି। ଯୁବକ ଜଣଙ୍କ ଟ୍ରାକ୍ଟରରେ ଶ୍ରମିକ ଭାବେ ନିୟମିତ ଏହି ଗାଁକୁ ଯାଉଥିବାରୁ ତାକୁ କେହି ସନ୍ଦେହ କରି ନ ଥିଲେ। ଆଉ ଏହାର ଫାଇଦା ନେଇ ଜଙ୍ଗଲରେ ନାବାଳିକାଙ୍କ ସହ ଦୁଷ୍କର୍ମ କରିଥିଲା। ଶିଶୁ କନ୍ୟାଟି ଅଚେତ ହୋଇ ପଡ଼ିବାରୁ ସେଠାରେ ତାକୁ ସେମିତି ପକାଇ ଦେଇ ଚମ୍ପଟ ମାରିଥିଲା ଅଭିଯୁକ୍ତ ଯୁବକ। ଏପଟେ ଝିଅକୁ ଗାଁ ଦାଣ୍ଡରେ ନପାଇ ପରିବାର ଲୋକ ସମସ୍ତଙ୍କୁ ପଚରାପଚରି କରିଥିଲେ। ଖୋଜାଖୋଜି କରିବାରୁ ଗ୍ରାମ ନିକଟସ୍ଥ ନୀଳଗିରି ଜଙ୍ଗଲରେ ଝିଅ ଅଚେତ ଅବସ୍ଥାରେ ପଡ଼ିଥିବା ଦେଖି ଉଦ୍ଧାର କରିଥିଲେ।