ବାଲେଶ୍ୱର- ସୋସିଆଲ ମିଡିଆରେ ଭାଇରାଲ ହେଉଛି କେନ୍ଦ୍ରମନ୍ତ୍ରୀ ପ୍ରତାପ ଷଢ଼ଙ୍ଗୀଙ୍କ ନିଖୋଜ ପୋଷ୍ଟର । ତାଙ୍କ ବିରୋଧରେ ମିଥ୍ୟା ଅପପ୍ରଚାରକୁ ବିରୋଧ କରି ଜିଲ୍ଲା ବିଜେପି ପକ୍ଷରୁ ଥାନାରେ ଏତଲା ଦିଆଯାଇଛି । ବାଲେଶ୍ୱର ଷ୍ଟେସନ ଛକ ଓ ସହରର ବିଭିନ୍ନ ସ୍ଥାନରେ ନିଖୋଜ ପୋଷ୍ଟର ମାରି ସାଂସଦଙ୍କ ସମ୍ମାନହାନୀ କରାଯାଉଛି ଦର୍ଶାଇବା ସଙ୍ଗେସଙ୍ଗେ ଯେଉଁ ବ୍ୟକ୍ତି ଏଭଳି କାର୍ଯ୍ୟା କରିଛି ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବିଜେପି ଦାବି କରିଛି । ଏଥିରେ ବିରୋଧି ରାଜନୈତିକ ଦଳର ହାତ ଅଛି ବୋଲି ବିଜେପି କହିଛି । ତେବେ କଂଗ୍ରେସ ଏଭଳି ପୋଷ୍ଟର ମାରିନାହିଁ ବୋଲି ଦଳର ନେତା କହିଛନ୍ତି ।