ବିଞ୍ଝାରପୁର: ବିଞ୍ଝାରପୁର ବ୍ଲକର ଅବିଭକ୍ତ ଗୁହାଳୀ ପଂଚାୟତର ବରିଷ୍ଠ କଂଗ୍ରେସ ନେତା ମୁରଲୀଧର ଧଳ ୬୭ଙ୍କ ଦେହାନ୍ତ ହୋଇଯାଇଛି । ରବିବାର ଭୋର ସମୟରେ ସ୍ୱର୍ଗତ ଧଳଙ୍କ ହୃଦଘାତରେ ଦେହାନ୍ତ ହୋଇଯାଇଛି । ସ୍ୱର୍ଗତ ଧଳଙ୍କ ଦେହାନ୍ତର ଖବର ପ୍ରଚାର ହେଲାପରେ ସମଗ୍ର ବ୍ଲକରେ ଶୋକର ଛାୟା ଖେଳିଯାଇଛି । ଖବର ପାଇ ଦଳମତ ନିର୍ବିଶେଷରେ ସବୁ ଦଳର ନେତା ଓ କର୍ମୀଙ୍କ ସମେତ ବିଭିନ୍ନ ସ୍ୱେଚ୍ଛାସେବୀ ସଂଗଠନର ସଦସ୍ୟ ପ୍ରମୁଖ ସ୍ୱର୍ଗତ ଧଳଙ୍କ ଶେଷ ଦର୍ଶନ କରିଥିଲେ । ପ୍ରକାଶଥାଉକି ଶନିବାର ବିଳମ୍ବିତ ରାତିରେ ଛାତିରେ ଯନ୍ତ୍ରଣା ହେବାରୁ ପରିବାର ଲୋକ କଟକ ସ୍ଥିିତ ଏସସିବି ମେଡିକାଲକୁ ନେଇଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ । ପରେ ସ୍ୱର୍ଗତ ଧଳଙ୍କୁ ନିଜ ପୈତୃକ ଗାଁକୁ ଅଣାଯାଇଥିଲା । ତାଙ୍କ ଶେଷ ଦର୍ଶନ ପାଇଁ କଂଗ୍ରେସ ନେତା ଚନ୍ଦ୍ରଶେଖର ଧଳ, ବିଜେପି ଜିଲ୍ଳା ସଭାନେତ୍ରୀ ବବିତା ମଲିକ, କଂଗ୍ରେସ ନେତା ଶିଶିର କୁମାର ନାୟକ, ବିଞ୍ଝାରପୁର କଂଗ୍ରେସ ପୂର୍ବତନ ବିଧାନସଭା ପ୍ରାର୍ଥୀ ମନୋରଂଜନ ଦାସ, ପୂର୍ବତନ କଂଗ୍ରେସ ସରପଂଚ ମଳୟ କୁମାର ନାୟକ, କୁଞ୍ଜବିହାରୀ ବେହେରା, ବାବୁଲି ଦାସ, କଂଗ୍ରେସର କାର୍ଯ୍ୟକାରୀ ସଭାପତି ପ୍ରଦୁ୍ୟମ୍ନ ପାତ୍ର, ଯୁବକଂଗ୍ରେସର ପୂର୍ବତନ ବ୍ଲକ ସଭାପତି ମନୋଜ ସାମଲ ପ୍ରମୁଖ ଶେଷ ଦର୍ଶନ କରିଥିଲେ । ପୁତୁରା ସ୍ମୃତିରଂଜନ ଧଳ ମୁଖାଗ୍ନି ଦେଇଥିଲେ ।