ଯାଜପୁର: ଯାଜପୁର ଥାନା ତଥା ଦଶରଥପୁର ବ୍ଲକ୍ ଚିତାଳୋ ମହାବିଦ୍ୟାଳୟ ରାସ୍ତାରେ ଏକ ଚିପସ ବୋଝେଇ ଟ୍ରକ୍ ଦୁର୍ଘଟଣାଗ୍ରସ୍ଥ ହୋଇଥିବା ବେଳେ ଟ୍ରକ୍ ଚାଳକ ଚତୁରତାର ସହ ବାହାରକୁ ଡେ଼ଇଁପଡ଼ି ନିଜ ଜୀବନ ବଂଚାଇବାକୁ ସକ୍ଷମ ହୋଇଥିବା ବେଳେ କେନାଲ ଭିତରେ ଥିବା ଗୋଟିଏ ଗାଈ ଅଳ୍ପକେ ବର୍ତିଯାଇଥିବା ଜଣାଯାଇଛି । ସୂଚନା ମୁତାବକ ଶନିବାର ସକାଳ ୮ଟା ସମୟରେ ଗଡ଼ମଧୁପୁର ଅଂଚଳରୁ ଗୋଟିଏ ଚିପସ ବୋଝେଇ ଟ୍ରକ୍ (ଓଆର-୦୪ଏ-୫୮୫୭) ଚିତାଳୋ ମହାବିଦ୍ୟାଳୟକୁ ଚିପସ ନେଇ ଯାଉଥିବା ବେଳେ ବିପରୀତ ପାଶ୍ୱର୍ରୁ ଆସୁଥିବା ଏକ ବାଇକ୍ ଆରୋହୀଙ୍କୁ ରାସ୍ତା ଦେବାକୁ ଯାଇଁ ପାଶ୍ୱର୍ରେ ଥିବା କେନାଲ ଭିତରକୁ ପଲଟି ଯାଇଥିଲା । ଟ୍ରକର ଚାଳକ ଗାଡ଼ି ଭିତରୁ ପଦାକୁ ଡେ଼ଇଁ ନିଜ ଜୀବନ ବଂଚାଇଥିବା ବେଳେ କେନାଲ ଭିତରେ ଘାସ ଚରୁଥିବା ଗୋଟିଏ ଗାଇ ଅଳ୍ପକେ ମୃତୁ୍ୟ କବଳରୁ ବର୍ତିଯାଇଥିଲା । ଚିତାଳୋ ବିଟ ହାଉସ ପୁଲିସ ଘଟଣା ସ୍ଥଳରେ ପହଂଚି ରାସ୍ତାରେ ଯାତାୟତ ସ୍ଥିତି ସୁଧାରିଥିଲା । ଉକ୍ତ ମହାବିଦ୍ୟାଳୟ ରାସ୍ତାଟିକୁ ପ୍ରଶସ୍ଥ କରିବା ପାଇଁ ବିଭିନ୍ନ ମହଲରୁ ଦାବି ହୋଇଛି ।