ଚେନ୍ନାଇ: ଲକ୍ଡାଉନ୍ ଯୋଗୁଁ ଦେଶର ବିଭିନ୍ନ ଅଞ୍ଚଳରେ ଅଟକି ରହିଯାଇଥିବା ବ୍ୟକ୍ତିମାନଙ୍କ ଘରବାହୁଡ଼ାରେ ସହଯୋଗ କରିବାକୁ ମେ ୧୯ ତାରିଖ ଠାରୁ ଜୁନ୍ ୨ ତାରିଖ ମଧ୍ୟରେ ଏୟାର୍ ଇଣ୍ଡିଆ ସ୍ବତନ୍ତ୍ର ଘରୋଇ ବିମାନ ଚଳାଇବ। କିନ୍ତୁ, ଯାତ୍ରୀମାନେ ନିର୍ଦ୍ଧାରିତ ଶୁଳ୍କ ଦେଇ ସିଟ୍ ବୁକିଙ୍ଗ୍ କରିବେ। ସିଟ୍ କେବେ ଠାରୁ ବୁକିଙ୍ଗ୍ ଆରମ୍ଭ ହେବ ତାହା ଘୋଷଣା କରାଯାଇନାହିଁ।
ଏହି ସ୍ବତନ୍ତ୍ର ବିମାନଗୁଡ଼ିକରୁ ଅଧିକାଂଶ ଦିଲ୍ଲୀ, ମୁମ୍ବାଇ, ହାଇଦ୍ରାବାଦ ଏବଂ ବେଙ୍ଗାଲୁରୁରୁ ଉଡ଼ାଣ ଆରମ୍ଭ କରିବ। ମେ ୧୯ ତାରିଖ ଦିନ କୋଚି-ଚେନ୍ନାଇ ମଧ୍ୟରେ ଗୋଟିଏ ବିମାନ ଚାଲିବ। ସେହିଭଳି ଦିଲ୍ଲୀରୁ ୧୭୩, ମୁମ୍ବାଇରୁ ୪୦, ହାଇଦ୍ରାବାଦରୁ ୨୫ ଓ କୋଚିରୁ ୧୨ଟି ସ୍ବତନ୍ତ୍ର ବିମାନ ଉଡ଼ାଣ କରିବ।