ଭୁବନେଶ୍ୱର/ଯାଜପୁର: ରାଜ୍ୟରେ ପୁଣି ଦୁଇ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସଂପୃକ୍ତ କରୋନା ଆକ୍ରାନ୍ତ ବ୍ୟକ୍ତିଙ୍କ ଘର ଯାଜପୁର ଜିଲ୍ଲାରେ ବୋଲି ରାଜ୍ୟ ସରକାରଙ୍କ ସୂଚନା ଓ ଲୋକ ସଂପର୍କ ବିଭାଗ ଟୁଇଟ୍ କରିଛି । ଆକ୍ରାନ୍ତଙ୍କ ମଧ୍ୟରେ ଜଣେ ୫୫ ବର୍ଷିୟ ପୁରୁଷ ଓ ଆରଜଣକ ୪୮ ବର୍ଷିୟ ପୁରୁଷ ଥିବା ସୂଚନା ମିଳିଛି। ଉଭୟ ଆକ୍ରାନ୍ତ କୋଲକାତାରୁ ଫେରିଥିବା ସୂଚନା ମିଳିଛି। ଉଭୟ ଆକ୍ରାନ୍ତଙ୍କ ଘର ବରୀ ବ୍ଲକରେ ବୋଲି ଜଣାଯାଇଛି। ସୂଚନାଯୋଗ୍ୟ ଆଜି ସକାଳେ ଯାଜପୁର ଜିଲ୍ଲାର ବରୀ ବ୍ଲକରୁ ପ୍ରଥମ ଥର ଲାଗି ଜଣେ କରୋନା ଆକ୍ରାନ୍ତଙ୍କ ସମେତ ୫ ପଜିଟିଭ୍ ଚିହ୍ନଟ ହୋଇଥିଲେ।