ଖଣ୍ଡଗିରି: ମଙ୍ଗଳବାର ଏସ୍ଟିଏଫ୍ ଓ ଖଣ୍ଡଗିରି ଥାନା ମିଳିତ ଚଢ଼ଉ କରି ପଞ୍ଚସଖାନଗରସ୍ଥିତ ଏକ ଘରୁ ୪୦ କିଲୋ ଗଞ୍ଜେଇ ଜବତ କରିବା ସହ ନିଶା କାରବାରରେ ସମ୍ପୃକ୍ତ ଅଭିଯୋଗରେ ୨ ଜଣ ଛାତ୍ରଙ୍କୁ ଗିରଫ କରିଛନ୍ତି। ସେମାନେ ହେଲେ ବାଲେଶ୍ବରର ରାଜୀବ ପାତ୍ର ଓ ଉଜ୍ଜଲ୍ ପ୍ରଧାନ। ରାଜୀବ ଏକ ଇଂଜିନିୟରିଂ କଲେଜ ଛାତ୍ର ହୋଇଥିବା ବେଳେ ଉଜ୍ଜଲ୍ କୋଚିଂ ନେଉଥିବା ଜଣାପଡ଼ିଛି। ଆଜି ସେମାନଙ୍କୁ କୋର୍ଟ ଚାଲାଣ କରାଯାଇଛି। କନ୍ଧମାଳରୁ ଗଞ୍ଜେଇ ଚାଲାଣ କରି ସେମାନେ ରାଜଧାନୀରେ ବେଶ୍ ଚତୁରତାର ସହ ବେପାର କରୁଥିଲେ।