ଅକାଳୀ ମନ୍ତ୍ରୀଙ୍କ ଇସ୍ତଫା ସରକାର ଚାଷୀଙ୍କ ସହ ଆଲୋଚନା କରନ୍ତୁ

ପାର୍ଲିଆମେଂଟରେ ତିନୋଟି କୃଷି ସଂକ୍ରାନ୍ତୀୟ ସଂଶୋଧନ ବିଲକୁ ବିରୋଧ କରି କେନ୍ଦ୍ର ମନ୍ତ୍ରୀ ମଣ୍ଡଳରୁ ଶିରୋମଣୀ ଅକାଳୀ ଦଳର ମନ୍ତ୍ରୀ ହରସିମରତ କାଉର ବାଦଲଙ୍କ ଇସ୍ତଫା ନିଶ୍ଚିତ ଭାବେ ବିଜେପି ତଥା ଏନଡିଏ ପାଇଁ ଏକ ଶକ୍ତ ଧକ୍କା ବୋଲି କୁହାଯାଇପାରିବ । ପଞ୍ଜାବରେ ଦବ୍ଦବା ଥିବା ଶିରୋମଣୀ ଅକାଳୀ ଦଳ ଏନଡିଏର ଏକ ପୂରାତନ ଅଂଶୀଦାର ଏବଂ ବିଜେପିର ପୂରୂଣା ବନ୍ଧୁ ଦଳ ଭାବେ ପରିଚିତ । ସ୍ୱର୍ଗତ ଅଟଳ ବିହାରୀ ବାଜପେୟୀଙ୍କ ଶାସନ ଅମଳରୁ ଶିରୋମଣୀ ଅକାଳୀ ଦଳ ଏନଡିଏର ଅଂଶୀଦାର ଦଳ ହୋଇ ରହିଆସିଛି । ଏପରିକି ମଧ୍ୟ ବିଜେପି ଅକାଳୀ ନେତା ପ୍ରକାଶ ସିଂହ ବାଦଲଙ୍କ ନେତୃତ୍ୱରେ ବଞ୍ଜାବରେ ଗତ ସରକାରରେ ସାମିଲ ହୋଇ କ୍ଷମତାର ଅଂଶୀଦାର ହୋଇପାରିଛି । କୃଷି ବିଲକୁ ନେଇ ଅକାଳୀ ଦଳ କେନ୍ଦ୍ର ମନ୍ତ୍ରୀ ମଣ୍ଡଳରୁ ଇସ୍ତଫା ଦେବା କୃଷକ ଆନେ୍ଦାଳନକୁ ଆହୁରି ତେଜିୟାନ କରିବା ସହ ମୋଦୀ ସରକାରଙ୍କ କୃଷି ସଂଶୋଧିତ ବିଲଯେ, କୃଷକ ବିରୋଧି ଏହି ବାର୍ତା ପ୍ରଦାନ କରୁଛି । କହିବା ବାହୁଲ୍ୟଯେ, କୃଷି ବିଲ ତଥା ପୂର୍ବରୁ ଜାରି ଅଧ୍ୟାଦେଶକୁ ବିରୋଧ କରି ଏବେ ପଞ୍ଜାବ ଏବଂ ହରିୟାଣାରେ ଚାଷୀ ଆନେ୍ଦାଳନ ଜାରି ରହିଛି । ଆନେ୍ଦାଳନକୁ ଜୋରଦାର କରିବା ଲାଗି ଚାଷୀ ସଙ୍ଗଠନର ନେତାମାନେ ଘୋଷଣା କରିଥିବା ବେଳେ କଂଗ୍ରେସ ବାମପନ୍ଥୀ ସମେତ ବହୁ ଅଣ ବିଜେପି ଦଳ ଘୋଷଣା କରିଛନ୍ତି । ବିଲକୁ ବିରୋଧ କରି ଏବଂ ଏହା ଚାଷୀ ସ୍ୱାର୍ଥ ହାନୀକାର ଦର୍ଶାଇ କଂଗ୍ରେସ ସମେତ ବହୁ ବିରୋଧି ଦଳ କକ୍ଷ୍ୟ ତ୍ୟାଗ କରିଥିଲେ । କେବଳ ଏତିକି ନୁହେଁ ହରିୟାଣାରେ କ୍ଷମତାଶୀଳ ମିଳିତ ସରକାରର ଅଂଶୀଦାର ହରିୟାଣା ଜନତା ପାର୍ଟି ମଧ୍ୟ ବିଲକୁ ବିରୋଧ କରିଛି ଏବଂ ଚାଷୀଙ୍କ ସ୍ୱାର୍ଥ ଲାଗି ଆନେ୍ଦାଳନକୁ ଯୋରଦାର କରିବ ବୋଲି ଘୋଷଣା କରିଛି । କିନ୍ତୁ ସରାକରରୁ ଓହରିବା ଲାଗି କୌଣସି ସଂକେତ ଦେଇନାହିଁ । ସରକାରୀ ବିଲକୁ ବିରୋଧ କରି ଜଣେ ମନ୍ତ୍ରୀ ଇସ୍ତଫା ଦେବା ଏନଡିଏ ସରକାରରେ ପ୍ରଥମ ଘଟଣା ବୋଲି କୁହାଯାଇପାରେ ।
ଉଲେଖ୍ୟ ଯୋଗ୍ୟଯେ, ଆସନ୍ତା ବର୍ଷ ପଞ୍ଜାବ ବିଧାନସଭା ନିର୍ବାଚନ ହେବାକୁ ଯାଉଛି । ପଞ୍ଜାବ ରାଜନିତୀରେ ଶିରୋମଣୀ ଅକାଳୀ ଦଳର ଦବ୍ଦବା ଥିବା ସତ୍ୱେ ଗତ ଦୁଇଟି ନିର୍ବାଚନରେ ମୋଦୀ ହାୱା ପାଇଁ ସଫଳତା ହାସଲ କରିପାରିନଥିଲା । ଗତ ବିଧାନସଭା ନିର୍ବାଚନରେ କ୍ଷମତାଚ୍ୟୁତ ହୋଇଥିବା ବେଳେ ୨୦୧୪ ଓ ୨୦୧୯ ସାଧାରଣ ନିର୍ବାଚନରେ ବଜେପି ସହ ଶୋଚନୀୟ ବିପର୍ଯ୍ୟୟର ସମ୍ମୁଖିନ ହୋଇଥିଲା । ଏବେ କୃଷି ବିଲକୁ ବିରୋଧ କରି କେବଳ କେନ୍ଦ୍ରମନ୍ତ୍ରୀମଣ୍ଡଳରୁ ଇସ୍ତଫା ଦେଇଥିବା ବେଳେ ଏନଡିଏ ସହ ସମ୍ପର୍କ ଛିନ୍ନ କରିନାହିଁ । ଏବେବି ଏନଡିଏର ଅଂଶୀଦାର ହୋଇରହିଛି । ରାଜ୍ୟରେ ଚାଷୀ ଆନେ୍ଦାଳନୁ ଦୃଷ୍ଟିରେ ରଖି ଅକାଳୀ ଦଳ ନିଜର ସ୍ଥିତି ଓ ସଂଗଠନକୁ ସଦୃଢ କରିବା ପାଇଁ ମନ୍ତ୍ରୀ ମଣ୍ଡଳରୁ ଓହରି ଯାଇ ଆନେ୍ଦାଳନକୁ ସମର୍ଥନ କରିବାକୁ ବାଧ୍ୟ୍ୟ ହୋଇଥିବା ମନେହୁଏ ।
ଉଲେଖ୍ୟଯୋଗ୍ୟ ଯେ, କୃଷି ଓ ଚାଷୀର ଉନ୍ନତି ଲାଗି ମୋଦୀ ସରକାର ଜାରୀ କରିଥିବା ଅଧ୍ୟାଦେଶ ସ୍ଥାନରେ ଏବେ ପାର୍ଲିଆମେଂଟରେ ଅତ୍ୟବଶ୍ୟକୀୟ ସଂଶୋଧନ ବିଲ ଓ କୃଷି ଉପôାଦିତ ବ୍ୟବସାୟ ଓ ବାଣିଜ୍ୟ (ପ୍ରତ୍ସୋହନ ଓ ସୁବିଧା) ବିଲ ଏବଂ ମୂଲ୍ୟ ସୁନିଶ୍ଚିତ ଓ କୃଷି ସେବା ସଂକ୍ରାନ୍ତ କୃଷକ(ସଶକ୍ତିକରଣ ଓ ସୁରକ୍ଷା) ରାଜନାମା ବିଲ ଗୃହୀତ ହୋଇଛି । ଏହି ବିଲ ଯୋଗୁଁ ଏଣିକି ଚାଷୀଙ୍କ ଠାରୁ ସରକାର ଆଉ କୃଷି ଉପôାଦନ ସାମଗ୍ରୀ କିଣିବେ ନାହିଁ । ଚାଷୀ କ୍ଷତି ଗ୍ରସ୍ତ ହେବେ । ବ୍ୟବସାୟୀ ଲାଭବାନ ହେବେ ବୋଲି ଦର୍ଶାଇ କୃଷକ ସଂଗଠନ ଗୁଡିକ ଦୃଢବିରୋଧ କରି ଆନେ୍ଦାଳନ କରିଛନ୍ତି । ବିଲକୁ ସଂସଦରେ ଅକାଳୀ ଦଳର ସଭାପତି ସୁଖବିର ସିଂହ ବାଦଲ ବିରୋଧ କରିଥିଲେ ।
ଅନ୍ୟପକ୍ଷରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ ଯାହା କହିଛନ୍ତି, ତାହା ମଧ୍ୟ ତାପôର୍ଯ୍ୟପୁର୍ଣ୍ଣ । କୃଷି ବିଧେୟକ ଦ୍ୱାରା ଦଲାଲ ରାଜ ଏବଂ ଚାଷୀର ଶେଷରେ ଅବସାନ ଘଟିବ । ଚାଷୀଙ୍କର ବହୁ ସମସ୍ୟା ତଥା ଜଟିଳତା ଦୁର ହୋଇପାରିବ । ସେହିପରି କୃଷି ଜାତ ସାମଗ୍ରୀର ସର୍ବନିମ୍ନ ସହାୟକ ମୁଲ୍ୟ(ଏମଏସପି) ଓ ସରକାରୀ କ୍ରୟ ବ୍ୟବସ୍ଥା ଜାରି ରହିବ । କେବଳ ଏତିକି ନୁହେଁ ଏହି ଆଇନ ଦ୍ୱାରା କୃଷକମାନଙ୍କୁ କୃଷିଜାତ ସାମଗ୍ରୀ ବିକିବାର ଅନେକ ବିକଳ୍ପ ମିଳିବା ସହିତ ଅଧିକ ଲାଭ ମିଳିବ । ଚାଷୀଙ୍କ ଆୟ ବଢିବ । ଏହି ବିଲ ଗୃହିତ ହେବା କୃଷକ ଓ କୃଷି ପାଇଁ ଏକ ଐତିହାସିକ ମୁହୁର୍ତ ବୋଲି ପ୍ରଧାନମନ୍ତ୍ରୀ କହିଛନ୍ତି । ତେବେ ବିଲର ଉଦେଶ୍ୟ ସଂପର୍କରେ ଚାଷୀକୁ ଅବଗତ କରାଇବା ପାଇଁ ଏବଂ ସେମାନଙ୍କ ମଧ୍ୟରେ ଯେଉଁ ଧାରଣା ସୃଷ୍ଟିି ହୋଇଛି, ତାହା ଦୁର କରିବା ପାଇଁ ସରକାର ଅବିଳମ୍ବେ ଚାଷୀମାନଙ୍କ ସହ ସିଧାସଳଖ ଆଲୋଚନା କରିବା ଜରୁରୀ । ଅନ୍ୟଥା ଦେଶରେ ଚାଷୀ ଆନେ୍ଦାଳନ ବିସ୍ଫୋରକ ରୁପ ନେବା ସମ୍ଭାବନାକୁ ଏଡାଇ ଦିଆ ଯାଇନପାରେ ।
ଏହା ସତ୍ୟଯେ, ଏବେ ମଣ୍ଡି ଗୁଡିକରେ ଯେଉଁ ଅବ୍ୟବସ୍ଥା, ତାହା କାହାରିକୁ ଅଛପା ନାହିଁ । ମଣ୍ଡିକୁ ଧାନ ଦେଇ ମାସ ମାସ ଧରି ଚାଷୀ ସେମାନଙ୍କ ପ୍ରାପ୍ୟ ପ୍ଧବନଥିବା ଅଭିଯୋଗ ହୁଏ । ନିଜର ପ୍ରାପ୍ୟ ପାଇଁ ଚାଷୀ କେଉଁଠି ଆନେ୍ଦାଳନ କଲେଣୀ ତ କେଉଁଠି ଧାରଣା, ଅନଶନ କଲେଣୀ । ନୁଆ ଆଇନ ନେଇ ଯେଉଁ ଧାରଶ ସୃଷ୍ଟି ହୋଇଛି, ସରକାର ତାହା ତୁରନ୍ତ ଦୁର କରନ୍ତୁ । ଯାହା ଉଭୟ ସରକାର ଓ ଚାଷୀଙ୍କ ପାଇଁ ମଙ୍ଗଳକର ହେବ । ଅନ୍ୟଥା ଦେଶରେ ଚାଷୀ ଆନେ୍ଦଳନ ତେଜିୟାନ ହେବା ସହ ବିଜେପି ଜଣେ ପୁରୁଣା ପନ୍ଧୁଙ୍କୁ ହରାଇବ ଏଥିରେ ସନେ୍ଦହର ଅବକାଶ ନାହିଁ ।