ନୂଆଦିଲ୍ଲୀ: ପରିସ୍ରା କରିବାକୁ ନେଇ କଳିକଜିଆ ଆଉ ପରେ ହତ୍ୟାକାଣ୍ଡ ଘଟିଛି। ଗୁରୁବାର ସଂଧ୍ୟାରେ ରାଜଧାନୀ ଦିଲ୍ଲୀରେ ଉତ୍ତର-ପୂର୍ବରେ ଥିବା ସୁନ୍ଦର ନଗରୀରେ ଏଭଳି ଅଭାବନୀୟ ଘଟଣା ଘଟିଥିଲା। ମୃତକଙ୍କ ନାମ ପ୍ରେମ୍ ପାଲ୍ (୩୦) ବୋଲି ଡିସିପି ବେଦ ପ୍ରକାଶ ସୂର୍ଯ୍ୟ କହିଛନ୍ତି। ପୁଲିସ ଏବେ ଏହି ମାମଲାରେ ତିନି ଜଣଙ୍କୁ ଗିରଫ୍ କରି ତଦନ୍ତ ଚଳାଇଛି। ଏହି ତିନି ଅଭିଯୁକ୍ତ ହେଲେ ଶାହାରୁଖ (୨୭), ଗୁଡୁ ଏବଂ ରିଆଜୁଦ୍ଦିନ୍। ତିନି ଜଣଙ୍କ ଘର ସନ୍ଦର ନଗରୀ। ପୁଲିସ କହିଛି ପିସିଆର ପ୍ରଥମେ କଳି ଝଗଡ଼ା ହୋଇଥିବା ନେଇ ଏକ ପିସିଆର ଫୋନ୍ କଲ୍ ପାଇଥିଲା। ଏହାପରେ ପୁଲିସ ଯାଇ ଘଟଣାସ୍ଥଳରେ ପହଞ୍ଚିଥିଲା। ଏହାପରେ ସ୍ଥାନୀୟ ଲୋକଙ୍କ ଦ୍ୱାରା ପୁଲିସ ଜାଣିବାକୁ ପାଇଥିଲା ଯେ ଏକ ଗ୍ରୋସରୀ ଦୋକାନ ପାଖରେ ଶାହାରୁଖ ପରିସ୍ରା କରୁଥିଲା। ଏହି ସମୟରେ ରାହୁଲ ନାମକ ବ୍ୟକ୍ତି ବିରୋଧ କରିଥିଲେ। ଉଭୟଙ୍କ ମଧ୍ୟରେ ଏହାକୁ ନେଇ କଳି ଝଗଡ଼ା ହୋଇଥିଲା। ଆଉ ଶାହାରୁଖ ସେଠାରୁ ପଳାଇଥିଲା। ତେବେ କିଛି ସମୟ ପରେ ଶାହୁରଖ ଆଉ କିଛି ଲୋକଙ୍କୁ ଧରି ଆସିଥିଲା ରାହୁଲ ପାଖକୁ। ଆଉ ରାହୁଲକୁ ମାଡ଼ ମାରିବା ସହିତ ଆକ୍ରମଣ କରିଥିଲା ଶାହାରୁଖ। ଏହି ସମୟରେ ପ୍ରେମ୍ ପାଲ ଏବଂ କିଛି ଲୋକ ଅଟକାଇବାକୁ ଯାଇଥିଲେ। ଆଉ ପ୍ରେମ ପାଲ ହତ୍ୟାର ଶିକାର ହୋଇଥିଲେ। ସଙ୍ଗେସଙ୍ଗେ ପ୍ରେମ୍ ପାଲଙ୍କୁ ହସ୍ପିଟାଲ ନିଆଯାଇଥିଲା। ହେଲେ ହସ୍ପିଟାଲରେ ଡାକ୍ତର ତାଙ୍କର ମୃତ୍ୟୁ ଘୋଷଣା କରିଥିଲେ।