ବିଞ୍ଝାରପୁର: ବିଞ୍ଝାରପୁର ଥାନା ଅନ୍ତର୍ଗତ ସୟଦପୁର ପଞ୍ଚାୟତ ଗୟାସୁଦ୍ଧିନ ଛକ ନ୍ଖଳଙ୍କୃ ଏକ ନଦ୍ଧମା ନାଳରୁ ଜଣେ ମହିଳାଙ୍କ ଗଳିତ ଶବ ଉଦ୍ଧାର କରାଯାଇଛି । ବିଞ୍ଝାରପୁର ଥାନା ପୁଲିସ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଛି । ଉଦ୍ଧାର ହୋଇଥିବା ମୃତ ମହିଳା ଜଣଙ୍କ ରାଜ୍ୟ ବାହାରୁ ଆସି ବିଞ୍ଝାରପୁର ଅଞ୍ଚଳରେ ଗୁପଚୁପ ବିକ୍ରୀ କରୁଥିଭା ଜଣେ ବ୍ୟବସାୟିଙ୍କ ପତ୍ନୀ ବୋଲି ଜଣାପଡିଛି । ଆଜି ଏହି ନଦ୍ଧମା ପୂର୍ଣ୍ଣଗନ୍ଦମୟ ହୋଇପଡିବାରୁ ସ୍ଥନୀୟ ଲୋକେ ଦେଖିବାକୁ ପାଇଥିଲେ ଯେ ମହିଳାଙ୍କ ଶବ ପଡିଛି । ଲୋକେ ପୋଲିସକୁ ଖବର ଦେବାପରେ ପୁଲିସ ଘଟଣା ସ୍ଥଳରେ ପହଁଚି ତଦନ୍ତ କରୁଛି । ମହିଳି ଜଣଙ୍କୁ ହତ୍ୟା କରାଯାଇ ଏହି ନଦ୍ଧମାରେ ଫୋପଡାଯାଇଥିବା ସନେ୍ଦହ କରାଯାଉଛି । ଏମାନେ ୬ ମାସ ପୂର୍ବରୁ ଏଠାକୁ ଆସି ଘରଭଡା ନେଇ ରହିଥିଲେ । ଉଦ୍ଧାର ହୋଇଥିବା ମୃତଦେହଟି ୮ରୁ ୧୦ ଦିନ ତଳର ବୋଲି ସନେ୍ଦହ କରାଯାଉଛି । ମୃତାଙ୍କ ସ୍ୱାମୀ ଓ ୨ଟି ପିଲା ନିଖୋଜ ରହିଛନ୍ତି । ପୁଲିସ ସେମାନଙ୍କ ସମ୍ପର୍କରେ ତଥ୍ୟ ସଂଗ୍ରହ କରୁଛି । ଏହି ମୃତ୍ୟୁ ଘଟଣାରେ ପୁଲିସ ଖିଅ ଖୋଜୁବା ଆରମ୍ଭ କରି । ତେବେ ପାରିବାରିକ ସମସ୍ୟାକୁ ମହିଳାଙ୍କୁ ହତ୍ୟା କରି ସ୍ୱାମୀ ପିଲାମାନଙ୍କୁ ନେଇ ଫେରାର ହୋଇଯାଇଥିବା ମଧ୍ୟ ସନ୍ଦେହ କରାଯାଉଥିବା ବେଳେ ନା ଏହି ମୃତ୍ୟୁ ଘଟଣାରେ ଅନ୍ୟ କାହାର ହାତ ରହିଛି ତାକୁ ନେଇ ଏବେ ଚର୍ଚ୍ଚା ଯୋର ଧରିଛି । ପୁଲିସ ମୃତ ଦେହକୁ ଜବତ କରି ବ୍ୟବଚ୍ଚେଦ ପାଇଁ ପଠାଇ ତଦନ୍ତ ପ୍ରକ୍ରୀୟାକୁ ଅଧିକ ତ୍ୱରାନ୍ୱିତ କରୁଥିବା ଥାନା ଅଧିକାରୀ ଶିବ ଚରଣ ବେହେରା ସୂଚନା ଦେଇଛନ୍ତି ।