କଟକ : ଭୁବନେଶ୍ୱର -କଟକ କମିଶନରେଟ ପୁଲିସର କଟକ ଡିସିପି ଭାବେ ନିଯୁକ୍ତ ପ୍ରତୀକ ସିଂହଙ୍କୁ ରବିବାର କଟକରେ ସ୍ୱାଗତ କରାଯାଇଛି। କଟକ ଡିସିପିଙ୍କ କାର୍ଯ୍ୟାଳୟରେ କର୍ମଚାରୀମାନେ ତାଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିଛନ୍ତି। କଟକ ଡିସିପି ଅଖିଳେଶ୍ୱର ସିଂହ,ଏସିପି ଏବଂ ସମସ୍ତ ଆଇଆଇସି ପ୍ରମୁଖ ଏହି ଅବସରରେ ଉପସ୍ଥିତ ଥିଲେ। ସୂଚନାଯୋଗ୍ୟ, ଗତ ୧୪ ତାରିଖରେ କଟକ ଡିସିପି ଅଖିଳେଶ୍ୱର ସିଂହଙ୍କୁ ପୁରୀ ଏସପି ଭାବେ ନିଯୁକ୍ତି ଦିଆଯାଇଛି।
ସେହିପରି କଟକ ଡିସିପି ଭାବେ କନ୍ଧମାଳର ଏସପି ପ୍ରତୀକ ସିଂହଙ୍କୁ କଟକ ଡିସିପି ଭାବେ ଦାୟୀତ୍ବ ଦିଆଯାଇଛି। ସୋମବାର ଶ୍ରୀ ସିଂହ କଟକ ଡିସିପି ଭାବେ ଦାୟୀତ୍ବ ଗ୍ରହଣ କରିବାର କାର୍ଯ୍ୟକ୍ରମ ରହିଛି।