କୋଣାର୍କ: ପୋଲିସ କର୍ମଚାରୀଙ୍କୁ ଅଟକ ରଖିବା ଘଟଣାରେ ୩୦ଜଣଙ୍କୁ ପୋଲିସ ଗିରଫ କରିଥିବା ଜଣାପଡିଛି । ପୁରୀ ଜିଲାର ଗୋପ ଥାନା ଅନ୍ତର୍ଗତ ରେଢୁଆ ଗାଁରୁ ୨୦ ମିହିଳା ଓ ୧୦ ଜଣ ପୁରୁଷଙ୍କୁ ପୋଲିସ ଗିରଫ କରିଛି । ଗୋପ ଥାନା ପୋଲିସ ବିଳମ୍ବିତ ରାତିରେ ଗାଁରେ ପଶି ସମସ୍ତ ଅଭିଯୁକ୍ତଙ୍କୁ ଉଠେଇ ନେଇଛି । ଗିରଫ ହୋଇଥିବା ଅଭିଯୁକ୍ତମାନଙ୍କୁ ପୁରୀ ସ୍ଥାନାନ୍ତର କରାଯାଇଥିବା ଖବର ମିଳିଛି ।
ସୂଚନା ଅନୁଯାୟୀ, ଗତ ୬ ତାରିଖରେ ଗୋପ ଥାନା ପୋଲିସ ଅଭିଯୁକ୍ତକୁ ଧରିବାକୁ ଯାଇ ଅନ୍ୟ ଲୋକଙ୍କ ଘରେ ପଶିଥିଲା । ପ୍ରତିବାଦରେ ପୋଲିସକୁ ଅଟକ ରଖିଥିଲେ ଗ୍ରାମବାସୀ । ଅଭିଯୁକ୍ତଙ୍କୁ ନ ଛାଡି ପୋଲିସକୁ ୬ଘଂଟା ଧରି ଅଟକ ରଖିଥିଲେ ଗ୍ରାମବାସୀ ।