ବ୍ରହ୍ମପୁର : ବ୍ରହ୍ମପୁରର ପ୍ରସିଦ୍ଧ ମା ବୁଢି ଠାକୁରାଣୀଙ୍କ ଯାତ୍ରାର ଶୁଭଖୁଣ୍ଟି ସ୍ଥାପନ ପାଇଁ ମାଙ୍କ ବାପ ଘର କୁହା ଯାଉଥିବା ଦେଶି ବେହେରାଙ୍କ ପକ୍ଷରୁ ତାରିଖ ଚୁଡାନ୍ତ ହୋଇଛି । ପ୍ରତି ଦୁଇ ବର୍ଷକୁ ଥରେ ଆୟୋଜିତ ହେଉଥିବା ବ୍ରହ୍ମପୁରର ପ୍ରସିଦ୍ଧ ମା ବୁଢି ଠାକୁରାଣୀଙ୍କ ଯାତ୍ରା ଚଳିତ ବର୍ଷ ଆୟୋଜିତ ହେବାକୁ ଥିବା ବେଳେ ମାଙ୍କ ବାପ ଘର କୁହା ଯାଉଥିବା ଦେଶିବେହେରାଙ୍କ ପକ୍ଷରୁ ମାଙ୍କ ଯାତ୍ରାର ଆୟୋଜନ ପୂର୍ବରୁ ଶୁଭଖୁଣ୍ଟି କେବେ ସ୍ଥାପନ ହେବ ତାହା ନିର୍ଦ୍ଧାରିତ ହୋଇଥାଏ । ଚଳିତ ବର୍ଷ ମାଙ୍କ ଯାତ୍ରା ପାଇଁ ଦେଶିବେହେରାଙ୍କ ମୁଖ୍ୟ ପୂଜକ କୁହାଯାଉଥିବା ସିଦ୍ଧାନ୍ତିଙ୍କ ପକ୍ଷରୁ ଏହି ଶୁଭଖୁଣ୍ଟି ସ୍ଥାପନ ପାଇଁ ଦୁଇଟି ତାରିଖ ସ୍ଥିର କରାଯାଇଛି । ପ୍ରତି ଥର ଦୋଳ ପୂର୍ଣ୍ଣିମା ପରେ ମାଙ୍କ ଯାତ୍ରା ଏବଂ ଶୁଭଖୁଣ୍ଟି କେବେ ସ୍ଥାପିତ ହେବ ସେ ନେଇ ଚୁଡାନ୍ତ କରିଥାନ୍ତି ସିଦ୍ଧାନ୍ତି । ଚଳିତ ମାସର ୧୭ ଏବଂ ୧୯ ତାରିଖ ଚୟନ କରାଯାଇଥିବା ବେଳେ ପ୍ରଶାସନ ଏବଂ ଅନ୍ୟାନ୍ୟ ସୁବିଧା କୁ ଦୃଷ୍ଟିରେ ରଖି ଏହି ଦୁଇଟି ତାରିଖ ମଧ୍ୟରୁ ଗୋଟିଏ ତାରିଖ ଚୁଡାନ୍ତ ହେବ । ଶୁଭଖୁଣ୍ଟି ସ୍ଥାପନ ଦିନ ମାଙ୍କ ଯାତ୍ରା କେବେ ଆରମ୍ଭ ହେବ ଏବଂ କେବେ ଶେଷ ହେବ ତାହା ଦେଶିବେହେରାଙ୍କ ମୁଖ୍ୟ ପୂଜକ କୁହାଯାଉଥିବା ସିଦ୍ଧାନ୍ତି ସେଠାରେ ଆୟୋଜିତ ହେଉଥିବା ସାଧାରଣ ସଭାରେ ସ୍ଥିର କରିଥାନ୍ତି ।