ପୁରୀ,୨୫/୦୬ (ନି.ପ୍ର): ଶ୍ରୀ ଗୁଣ୍ଡିଚା ମନ୍ଦିରରେ ଆଜିଠାରୁ ଆଡପ ଅବଢା ବିକି୍ର ହୋଇଛି । ମହାପ୍ରଭୁଙ୍କ ସକାଳ ଧୂପ ପରେ ଆଡପ ଅବଢା ବିକ୍ରି ଆରମ୍ଭ ହୋଇଛି । ଅବଢା ବିକ୍ରିକୁ ସୁଖଂଳିତ କରିବା ଲାଗି ଭକ୍ତଙ୍କ ପାଇଁ ଟୋକନ ବ୍ୟବସ୍ଥା କରାଯାଇଛି । ନାକଚଣା ଦ୍ୱାରା ନିକଟରେ ଅବଢା ବିକ୍ରି ପାଇଁ ଏକ କାଉଂଟର ଖୋଲା ଯାଇଛି । ସାମାଜିକ ଦୁରତା ରଖି ଭକ୍ତମାନେ କାଉଂଟରରୁ ଟୋକନ ନେଉଛନ୍ତି । ଅର୍ଡରର ଓ ଟୋକନ ଅନୁଯାୟୀ ଭକ୍ତ ମାନଙ୍କୁ ଶୃଂଖଳିତ ଭାବେ ଅବଢା ଦିଆଯାଉଛି ବୋଲି ମହାସୁଆର ନିଯୋଗ ପକ୍ଷରୁ କୁହାଯାଇଛି । ତେବେ ଆଡପ ମଣ୍ଡପରେ ଚତୃର୍ଦ୍ଧା ମୃର୍ତୀଙ୍କୁ ଦର୍ଶନ ପାଇଁ ଅନୁମତିି ଦିଆଯାଇ ନାହିଁ । ନବଦିନ ବ୍ୟାପୀ ଘୋଷ ଯାତ୍ରାରେ ମହାପ୍ରଭୁ ଶ୍ରୀ ଜଗନ୍ନାଥ ଭାଇ ଭଉଣୀଙ୍କ ସହ ଗୁଣ୍ଡିଚା ମନ୍ଦିରର ଆଡପ ମଣ୍ଡପରେ ବିଜେ କରିଛନ୍ତି ।