ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ଆଜି ଏକ ହତ୍ୟାକାଣ୍ଡ ଘଟିଛି । ଏଥିରେ ଶମ୍ଭୁ ନାମରେ ପରିଚିତ ଏକ ମିଠା ଦୋକାନୀଙ୍କୁ ହତ୍ୟା କରାଯାଇଥିବା ପ୍ରକାଶ । ଭୁବନେଶ୍ୱର-ପୁରୀ ରାସ୍ତାରେ ସାମନ୍ତାରାପୁର ଠାରେ ହତ୍ୟା କରାଯାଇଥିବା ଉପରୋକ୍ତ ଯୁବକଙ୍କ ମିଠା ଦୋକାନ ରହିଛି । ପୂର୍ବ ଶତୃତା ହତ୍ୟାର କାରଣ ବୋଲି କୁହାଯାଉଛି । ତେବେ ଉତ୍ୟକ୍ତ ସ୍ଥାନୀୟ ଲୋକେ ଏହି ହତ୍ୟାକାଣ୍ଡରେ ପ୍ରତିବାଦରେ ଆଜି ରାସ୍ତା ରୋକ କରିଥିଲେ । ପୋଲିସ ଖବର ପାଇ ଘଟଣା ସ୍ଥଳରେ ପହଂଚିବା ସହିତ ରାସ୍ତା ଅବରୋଧକାରୀମାନଙ୍କ ସହ ଆଲୋଚନା କରିଥିଲେ । ହତ୍ୟାକାରୀକୁ ଖୁବ୍ଶିଘ୍ର ତଦନ୍ତ କରି ଧରାଯିବ ବୋଲି ପ୍ରତିଶ୍ରୁତି ଦେବା ସହିତ ବୁଝାସୁଝା କରିବା ପରେ ଉତ୍ୟକ୍ତ ଲୋକେ ରାସ୍ତା ଅବରୋଧ ହଟାଇ ନେଇଥିଲେ ।