କେସିଙ୍ଗା: କେସିଙ୍ଗା ଆଦର୍ଶ ଥାନା ପୁଲିସ ଏକ ହୋଣ୍ଡା ସିଟି କାର ୟକ୍ଷ୩ମ ବଳ୫୨୧୫ ନମ୍ବର ଉପରେ ଙଜ୧୦ମ୯୪୩୫ ଷ୍ଟିକର ଲଗାଇ ଆଜି ପୁଣି ଗଞ୍ଜେଇ ଚୋରା ଚାଲାଣ କରୁଥିବା ବେଳେ କୁର୍ଲୁପଡା ଛକ୍ ଠାରେ ଜବତ କରିଛି ।ହୋଣ୍ଡା ସିଟି କାରଟି କଳାହାଣ୍ଡି ଜିଲ୍ଲା ଆମପାଣି ଅଞ୍ଚଳରୁ ଭବାନୀପାଟଣା ,କେସିଙ୍ଗା ସହର ଦେଇ ବଲାଙ୍ଗିର ପଟକୁ ଯାଉଥିବା ସମୟରେ କେସିଙ୍ଗା ଆଇ ଆଇ ସି ସତ୍ୟ କୁମାର ନନ୍ଦ ଙ୍କ ନେତୃତ୍ୱରେ ପୁଲିସ କାର ଟିକୁ ରୋକିବା ପାଇଁ କହିବା ପରେ କାର ଟି ନଅଟକି ପଳାୟନ କରିଥିଲା ।ଫଳରେ ପେଟ୍ରୋଲିଂ ଗାଡିରେ ପିଛାକରି କୁର୍ଲୁପଡା ଛକ୍ ନିକଟରେ କାରଟିକୁ ଅଟକ ରଖି ଯାଞ୍ଚ କରିଥିଲା ।ଏହି କାର ଭିତରେ ଗଞ୍ଜେଇ ରହିଥିବା ନେଇ ପୁଲିସ ଜାଣିବାକୁ ପାଇଥିଲା ।ମାଜିଷ୍ଟ୍ରେଟ ଭାବରେ ଅତିରିକ୍ତ ତହସିଲଦାର ରୁଦ୍ରମଣି ନାଏକଙ୍କ ଉପସ୍ଥିତିରେ ଗାଡ଼ି ଭିତରୁ୪୮କେ.ଜି ଗଞ୍ଜେଇ ଜବତ କରାଯାଇଛି ।ଅଟକ ଅଭିଯୁକ୍ତ ଦ୍ୱୟ ନବରଙ୍ଗପୁର ଅଞ୍ଚଳରୁ ଉତ୍ତରପ୍ରଦେଶ ରାଜ୍ୟକୁ ଗଞ୍ଜେଇ ଚାଲାଣ ହେଉଥିବା ନେଇ ପୁଲିସ ଜାଣିବାକୁ ପାଇଛି ।ଏହି ଘଟଣାରେ ଆହୁରି କିଛି ଲୋକ ସମ୍ପୃକ୍ତ ଥିବା ନେଇ ପୁଲିସ ସନ୍ଦେହ କରୁଥିବା ବେଳେ ସେମାନଙ୍କୁ ଧରାଯିବ ବୋଲି ଆଇ ଆଇ ସି ଶ୍ରୀ ନନ୍ଦ ପ୍ରକାଶ କରିଛନ୍ତି ।