ନବରଙ୍ଗପୁର: ସନ୍ଧାନୀ କୁକୁର ତାରାକୁ ମିଳିଲା ପୋଲିସ ମର୍ଯ୍ୟାଦା । ମୃତ୍ୟୁ ପରେ ପୋଲିସ ମର୍ଯ୍ୟାଦା ସହ ଶେଷକୃତ୍ୟ ସମ୍ପନ୍ନ କରାଯାଇଛି । ଏଭଳି ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲାରେ । ତାରା ଜିଲ୍ଲା ପୋଲିସରେ ୧୨ ବର୍ଷ ଧରି କାମ କରୁଥିଲା । ଏହି ସମୟସୀମା ମଧ୍ୟରେ ସେ ଅନେକ ମାମଲାର ସମାଧାନ କରିଛି । ୫୦ରୁ ଅଧିକ ହତ୍ୟା, ଡକାୟତି ଭଳି ଅପରାଧ ଭଳି ମାମଲାରେ ପୋଲିସକୁ ସହାୟତା କରିଛି କୁକୁର ତାରା । ଏଭଳି କାମ ପାଇଁ ୨୦୧୭ ମସିହାରେ ତାକୁ ସମ୍ମାନୀତ କରାଯାଇଥିଲା । ୨୦୧୮ ରେ କୋରାପୁଟ ପୋଲିସରୁ ଆସି ନବରଙ୍ଗ ପୋଲିସରେ ଯୋଗ ଦେଇଥିଲା ତାରା । ହେଲେ ଅସୁସ୍ଥତା କାରଣରୁ ତାରାର ମୃତ୍ୟୁ ହୋଇଥିଲା । ତାର ମୃତ୍ୟୁରେ ନବରଙ୍ଗପୁର ଏସପି ନୀତିନ କୁଶଲକର ଶୋକ ପ୍ରକାଶ କରିବା ସହ ଶ୍ରଦ୍ଧାଞ୍ଜଳି ଜଣାଇଥିଲେ ।