ପୁରୀ: ପୁରୀ ବେଳାମାର୍ଗରେ ଏକ ପୁଲିସ୍ କନେଷ୍ଟବଳ ସାମ୍ବାଦିକଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିବାର ଅଭିଯୋଗ ଆସିଛି । ସାମ୍ବାଦିକ ଜଣଙ୍କ ଲାଇଟ୍ ହାଉସ୍ ନିକଟକୁ ଖବର ସଂଗ୍ରହ କରିବାକୁ ଯାଇଥିଲେ । ମୁହଁରେ ପିନ୍ଧିଥିବା ମାସ୍କ ତଳେ ଖସିପଡିବାରୁ କୁକୁର ଏହାକୁ ଶୁଘିଂ ଦେଇଥିଲା । ଉକ୍ତ ମାସ୍କକୁ ନପିନ୍ଧି ସେ ତାଙ୍କ ପକେଟରେ ରଖିଦେଇଥିଲେ । ସେ ଫେରିବା ସମୟରେ ପୁଲିସ୍ ବାବୁ କୁଆଡେ ଯାଇଥିଲୁ ମାସ୍କ କାଇଁ ପିନ୍ଧିନୁ ବୋଲି ପଚାରିଥିଲେ । କୁକୁର ଶୁଘିଂଦେବା କାରଣରୁ ମାସ୍କ ନପିନ୍ଧି ପକେଟରେ ରଖିଦେଇଛି ବୋଲି କହିଥିଲେ ସାମ୍ବାଦିକ । ବାସ୍ ଏହାପରେ ବାବୁ ଚିଡିଯାଇ ଦୁର୍ବ୍ୟହାର କରିବା ଆରମ୍ବ କରିଦେଇଥିଲେ । ପୁଲିସ୍ ବାବୁ ଜଣଙ୍କ ସାମ୍ବାଦିକଙ୍କୁ ଅଶ୍ଳୀଳ ଭାଷା ସହ ଗାଳିଗୁଲଜ କରିବାର ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଜୋରରେ ଭାଇରାଲ୍ ହେବାରେ ଲାଗିଛି ।