କଟକ : ନକଲି ଖାଦ୍ୟ ସାମଗ୍ରୀର ଆଡ୍ଡା ପାଲଟିଛି କଟକ ସହର । ଗତ କିଛି ସପ୍ତାହ ମଧ୍ୟରେ କଟକର ବିଭିନ୍ନ ସ୍ଥାନରେ ନକଲି ଖାଦ୍ୟ ସାମଗ୍ରୀ ଠାବ କରାଯାଇଛି । ହଳଦୀ ଗୁଣ୍ଡ, ଲଙ୍କା ଗୁଣ୍ଡ, ଘିଅ, ତେଲ , ପନୀର ପରେ ଏବେ ଜବତ ହୋଇଛି ନକଲି ଚା’ପତି । ସଦର ଥାନା ମୁକାମେଶ୍ୱର ଗାଁରେ ନକଲି ଚା’ପତି ଫ୍ୟାକ୍ଟ୍ରୀ ଠାବ କଲା ପୁଲିସ । ବିପୁଳ ପରିମାଣର ଚା’ପତି ସହ ବିଭିନ୍ନ ବ୍ରାଣ୍ଡ’ର ଷ୍ଟିକର ମଧ୍ୟ ଜବତ ହୋଇଛି । ସମ୍ପୃକ୍ତ ଘଟଣାରେ ପୁଲିସ ଜଣଙ୍କୁ ଅଟକ ରଖି ପଚରାଉଚରା ଚାରି ରଖିବା ସହ ତଦନ୍ତ ଆରମ୍ଭ କରିଛି । ପୁଲିସ ଙ୍କ କହିବା ଅନୁସାରେ , ୪୫ କ୍ୱିଂଟାଲ ଚା’ପତି ଜବତ କରାଯାଇଛି ଗତ ୪ରୁ ୫ବର୍ଷ ହେବ ଏହି ଫ୍ୟାକ୍ଟ୍ରି ଚାଲୁଥିବା ଜଣାପଡିଛି । ଟାଟା ଟି ପ୍ରିମିୟମ ଡଷ୍ଟ, ମାଇଁ ଟି ପ୍ରିମିୟମ ଡଷ୍ଟ ଓ ଲୀଳା ଟି ପ୍ରିମିୟମ ଡଷ୍ଟ ନାମରେ ଏହି ନକଲି ଚା’ ପତି ବିକ୍ରି କରାଯାଉଥିବା ଜଣାପଡିଛି ।