ଯାଜପୁର: ଯାଜପୁର ଜିଲ୍ଲା ଧର୍ମଶାଳା ଥାନା ମିର୍ଜାପୁର ଗାଁରେ ଗୋଟିଏ ପରିବାରର ୩ ଜଣଙ୍କୁ ମରଣାନ୍ତକ ଆକ୍ରମଣ କରାଯାଇଛି । ଏହି ଆକ୍ରମଣରେ ଜଣେ ମୃତ ଓ ଦୁଇ ଜଣ ଗୁରୁତର ହୋଇଛନ୍ତି । ମୃତକ ହେଲେ ତରୁଲତା ବିଶ୍ୱାଳ । ସେ ତାଙ୍କ ସ୍ୱାମୀ ନିତ୍ୟ ରଞ୍ଜନ ବିଶ୍ୱାଳ ଓ ଝିଅ ଜୟଶ୍ରୀ ମଲ୍ଲୀକ ସହିତ ୨୫ ବର୍ଷ ହେବ ମିର୍ଜାପୁର ମହାନ୍ତି ସାହିରେ ଭଡା ଘରେ ରହିଆସୁଥିଲେ । ତରୁଲତା ମିର୍ଜାପୁର ଅନନ୍ତ କୁମାରୀ ବାଳିକା ବିଦ୍ୟାଳୟରେ ଶିକ୍ଷକତା କରୁଥିଲେ । ଘର ଅଗଣାରେ ତରୁଲତାଙ୍କ ମୃତ ଦେହ ପଡିଥିବାର ପଡୋଶୀ ଦେଖି ପୋଲିସକୁ ଖବର ଦେଇଥିଲେ । ପୋଲିସ ଘଟଣା ସ୍ଥଳରେ ପହଂଚି ମୃତଦେହକୁ ଉଦ୍ଧାର କରିବା ସହ ଦୁଇ ଆହତଙ୍କୁ ଚିକିତ୍ସା ପାଇଁ ମେଡିକାଲ ପଠାଇଥିଲେ ।