ଦେବଗଡ: ଦେବଗଡ ସହରରେ ଥିବା ପ୍ରଧାନପାଟ ଜଳପ୍ରପାତ ଉପର ମୁଣ୍ଡରୁ ଜଣେ ଡାକ୍ତରୀ ଛାତ୍ରଙ୍କ ମୃତ ଦେହକୁ ଉଦ୍ଧାର କରାଯାଇଛି । ମୃତକ ଜଣଙ୍କ ହେଲେ ଦେବଗଡ ସହର ବଣିଆ ସାହିର ସ୍ୱର୍ଗତ କ୍ରୀଷ୍ନା ପ୍ରସାଦଙ୍କ ପୁଅ ଶୁଭମ ପ୍ରସାଦ । ଶୁଭମ ପ୍ରାତଃ ଭ୍ରମଣ ପାଇଁ ଘରୁ ବାହାରିଥିଲେ । ଦୀର୍ଘ ସମୟ ଧରି ଘରକୁ ନଫେରିବାରୁ ପରିବାର ଲୋକେ ଖୋଜାଖୋଜି କରିଥିଲେ । ବହୁତ ଖୋଜାଖୋଜି ପରେ ପରିବାର ଲୋକେ ଜଳପ୍ରପାତ ଉପରେ ଥିବା ପ୍ରାକୃତିକ କୁଣ୍ଡରେ ତାଙ୍କ ମୃତ ଦେହ ଭାସୁଥିବାର ଦେଖିବାକୁ ପାଇଥିଲେ । ପାହାଡ ଉପରେ ଫୋଟ ଉଠାଉଥିବା ବେଳେ ଅସାବଧନତା ଯୋଗୁଁ ଗୋଡ ଖସି ଶୁଭମଙ୍କ ମୃତ୍ୟୁ ହୋଇଥିବା ପୋଲିସ ଅନୁମାନ କରୁଛି ।