ବଲିଉଡ୍ ଅଭିନେତ୍ରୀ ଅନୁଷ୍କା ଶର୍ମାଙ୍କ ପ୍ରଡକ୍ସନ ବ୍ୟାନରରେ ନିର୍ମିତ ଦ୍ୱିତୀୟ ଓ୍ବେବ୍ ସିରିଜ୍ ‘ବୁଲବୁଲ’ର ଟ୍ରେଲର ରିଲିଜ୍ ହୋଇଛି। ଏଥିରେ ଅଭିନେତ୍ରୀ ତୃପ୍ତି ଡିମରୀଙ୍କୁ ବଙ୍ଗାଳୀ ବୋହୂ ଚରିତ୍ରରେ ଦେଖିବାକୁ ମିଳୁଛି। ସୁପରନେଚୁରାଲ କାହାଣୀ ଉପରେ ଆଧାରିତ ଏହି ଓ୍ବେବ୍ ସିରିଜ୍ ଅପରାଧ, ସସ୍ପେନ୍ସ ଏବଂ ପ୍ରେମ କାହାଣୀରେ ଭରପୂର।
ଜୁନ୍ ୨୪ରେ ନେଟଫିକ୍ସରେ ‘ବୁଲବୁଲ’ ରିଲିଜ୍ ହେବ।
ଫିଲ୍ମର କହାଣୀ ୧୯ ଏବଂ ୨୦ ଶତାବ୍ଦୀର ପୃଷ୍ଠଭୂମି ଉପରେ ଆଧାରିତ। ଫିଲ୍ମର ପ୍ରମୁଖ ତଥା ବୁଲବୁଲ ଚରିତ୍ରରେ ତୃପ୍ତି ଅଭିନୟ କରୁଥିବା ବେଳେ ଅନ୍ୟ ଚରିତ୍ରରେ ରହିଛନ୍ତି ଅବିନାଶ ତିଓ୍ବାରୀ, ପାଓଲୀ ଡମ୍, ପରଂବ୍ରତ ଚାଟାର୍ଜୀ ଏବଂ ରାହୁଲ ବୋସ। ପିଲାଦିନେ ଶୋଇବା ସମୟରେ ଶୁଣୁଥିବା କାହାଣୀ ଯଦି ସତ ହୁଏ ତେବେ କ’ଣ ହେବ ବୋଲି ଅନୁଷ୍କା ଟ୍ରେଲର ରିଲିଜ୍ କରି ଏପରି ଲେଖିଛନ୍ତି।