ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ନେଇ ସବୁଠି ଚର୍ଚ୍ଚା। ତାଙ୍କର ଏଭଳି ନିଷ୍ପତ୍ତିକୁ ନେଲେ ଉଠିଛି ପ୍ରଶ୍ନବାଚୀ। ସବୁ ପ୍ରଶ୍ନର ଉତ୍ତର ଖୋଜୁଛି ମୁମ୍ବାଇ ପୋଲିସ। ଏ ମଧ୍ୟରେ ନିର୍ମାତା-ନିର୍ଦ୍ଦେଶକ କରଣ ଜୋହର, ସଞ୍ଜୟ ଲୀଲା ଭଂସାଲୀ, ଏକତା କପୁର ଏବଂ ଅଭିନେତା ସଲମାନ ଖାନଙ୍କ ସମେତ ୮ ଜଣଙ୍କ ନାଁ ମାମଲା ଦାଖଲ ହୋଇଛି। ବଲିଉଡରେ ଷଡ଼ଯନ୍ତ୍ର କରି ସୁଶାନ୍ତଙ୍କ ଫିଲ୍ମ ରିଲିଜ ହେବାକୁ ଦିଆଯାଉନଥିଲା । ବିଭିନ୍ନ କାର୍ଯ୍ୟକ୍ରମରେ ବି ସୁଶାନ୍ତଙ୍କୁ ଆମନ୍ତ୍ରିତ କରାଯାଉନଥିଲା ବୋଲି ଓକିଲ ସୁଧୀର ଓଝା କହିଛନ୍ତି।
ଓକିଲ ସୁଧୀର ଓଝା ଏମାନଙ୍କ ନାଁରେ ବିହାରର ମୁଝାଫରପୁର କୋର୍ଟରେ ମାମଲା ଦାଖଲ କରିଛନ୍ତି। ଜୁଲାଇ ୩ରେ କୋର୍ଟ ଏହି ମାମଲାରୁ ଶୁଣାଣି କରିବେ ବୋଲି ଜଣାପଡ଼ିଛି। ଗତ ରବିବାର ଦିନ ମୁମ୍ବାଇସ୍ଥିତ ନିଜ ଘରେ ଫାଶୀ ଲଗାଇ ସୁଶାନ୍ତ ସିଂ ରାଜପୁତ ଆତ୍ମହତ୍ୟା କରିଥିଲେ। ଫିଲ୍ମ ଇଣ୍ଡଷ୍ଟ୍ରିରେ ଶୋଷଣର ଶିକାର ହୋଇଥିବାରୁ ସୁଶାନ୍ତ ଆତ୍ମହତ୍ୟା କରିଥିବା କିଛି ବଲିଉଡ ଷ୍ଟାର କହିଥିଲେ। ଏହାକୁ ନେଇ ଏବେ ସୋସିଆଲ ମିଡିଆରେ ମଧ୍ୟ ଜୋର ଚର୍ଚ୍ଚା ଚାଲିଛି।