ମୁମ୍ବଇ: ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାରେ ମୁମ୍ବଇ ପୁଲିସ ଗତ ସୋମବାର ଚଳଚ୍ଚିତ୍ର ନିର୍ମାତା ମହେଶ ଭଟ୍ଟଙ୍କୁ ଜେରା କରିଥିବାବେଳେ ମଙ୍ଗଳବାର ଅନ୍ୟତମ ପ୍ରଯୋଜକ କରଣ ଜୋହରଙ୍କ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ(ସିଇଓ)ଙ୍କୁ ପଚରାଉଚରା କରିଛି। କରଣଙ୍କ ସିଇଓ ଅପୂର୍ବା ମେହେଟ୍ଟା ଆଜି ଅମ୍ବୋଲୀ ଥାନାରେ ପହଞ୍ଚିଥିଲେ। ସେଠାରେ ପୁଲିସ ତାଙ୍କୁ ପଚରାଉଚରା କରିବା ସହିତ ତାଙ୍କ ବୟାନ ରେକର୍ଡ କରିଥିଲା। ସୂଚନାଯୋଗ୍ୟ, ସୁଶାନ୍ତଙ୍କ ମୃତ୍ୟୁ ମାମଲାରେ ପ୍ରଥମରୁ କରଣଙ୍କୁ ସୋସିଆଲ ମିଡିଆରେ ଟ୍ରୋଲ କରାଯାଉଛି। ଅନେକ ଲୋକ ସୁଶାନ୍ତଙ୍କ ମୃତ୍ୟୁ ପାଇଁ କରଣଙ୍କୁ ଦାୟୀ କରୁଛନ୍ତି। କଙ୍ଗନା ରଣଔତ ଲଗାତର କରଣ ଜୋହରଙ୍କୁ ଟାର୍ଗେଟ କରୁଛନ୍ତି। ଏଥିପାଇଁ କରଣଙ୍କ ଧର୍ମା ପ୍ରଡକ୍ସନର ସିଇଓଙ୍କୁ ପଚରାଉଚରା ପାଇଁ ପୁଲିସ ନୋଟିସ ଜାରି କରିଥିଲା।