ମୁମ୍ବାଇ- ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କର ଶେଷ ଫିଲ୍ମ (ଦିଲ୍ ବେଚାରା ) ର ଟ୍ରେଲର୍ ନିକଟରେ ରିଲିଜ୍ ହୋଇଥିଲା । ରିଲିଜ୍ ହେବା ମାତ୍ରେ ଏହା ସୋସିଆଲ ମିଡିଆରେ ଟ୍ରେଣ୍ଡିଂରେ ରହିଥିଲା । ଆଉ ଏବେ ଏହାର ଟାଇଟଲ ଟ୍ରାକ୍ ର ଟିଜର୍ ରିଲିଜ୍ ହୋଇଯାଇଛି । ଏହା ମଧ୍ୟ ସୋସିଆଲ ମିଡିଆରେ ଧମାକା କରିଦେଇଛି । ସୁଶାନ୍ତଙ୍କ ଫ୍ୟାନ୍ମାନେ ଏହାକୁ ନେଇ ବେଶ୍ ଉସôାହିତ ଅଛନ୍ତି । ଏହି ଟିଜର ଡିଜନି+ ହଟଷ୍ଟାର୍ର ଅଫିସିଆଲ୍ ଇନଷ୍ଟାଗ୍ରାମରୁ ଶେୟାର କରାଯାଇଛି । ତେବେ ଏହା ସମସ୍ତଙ୍କ ଦୃଷ୍ଟି ଆକର୍ଷଣ କରୁଛି । ଏହି ଭିଡିଓ ରେ ସୁଶାନ୍ତ ସିଂ ରାଜପୁତ ଷ୍ଟେଜ୍ ଉପରକୁ ଏଂଟ୍ରି କରୁଥିବା ଦେଖିବାକୁ ମିଳିଛି । ଶୁକ୍ରବାର ଏହି ଗୀତଟି ରିଲିଜ୍ ହେବ । ତେବେ ଗୀତର ଟିଜର ଫ୍ୟାନ୍ଙ୍କ ଉସôାହକୁ ଦ୍ୱିଗୁଣିତ କରିଛି । ସୁଶାନ୍ତଙ୍କ ଏହି ଶେଷ ଫିଲ୍ମଟିକୁ ଦର୍ଶକ ସିନେମା ହଲ୍ରେ ବଡ ପରଦାରେ ଦେଖିବାକୁ ଚାହୁଁଥିଲେ । ହେଲେ କୌଣସି କାରଣରୁ ଫିଲ୍ମଟିକୁ ଜୁଲାଇ ୨୪ରେ ଓଟିଟି ହଟଷ୍ଟାର ଡିଜନିରେ ରିଲିଜ୍ କରାଯାଉଛି । ତେବେ ଏହି ଫିଲ୍ମଟିରେ ଦୁଇ କ୍ୟାନ୍ସସର ରୋଗୀଙ୍କ ଜୀବନ କାହାଣୀ ଦେଖିବାକୁ ମିଳିବ । ଏହି ଫିଲ୍ମଟି ଜନ୍ ଗ୍ରୀନ୍ ଙ୍କ ଉପନ୍ୟାସ (ଫଲ୍ଟ ଇନ ଆଉଆର ଷ୍ଟାରସ୍) ଉପରେ ଆଧାରିତ ହୋଇଛି । ଫିଲ୍ମରେ ସୁଶାନ୍ତଙ୍କ ସହ ନବାଗତ ସଞ୍ଜନା ସାଘିଂ ନଜର ଆସିବେ