ୱାଶିଂଟନ୍: ୧୯୯୦ ଦଶକରେ ଟାର୍ଜନ ଟେଲିଭିଜନ ସିରିଜ୍ରେ ଟାର୍ଜନର ମୁଖ୍ୟ ଭୂମିକାରେ ଅଭିନୟ କରିଥିବା ଅଭିନେତା ୱିଲିୟମ ଜୋସେଫ୍ ଲାରା ଓରଫ ଜୋ ଲାରା ଏକ ବିମାନ ଦୁର୍ଘଟଣାରେ ପ୍ରାଣ ହରାଇଛନ୍ତି । ଶନିବାର ଘଟିଥିବା ଏହି ଦୁର୍ଘଟଣାରେ ୫୮ ବର୍ଷୀୟ ଜୋଙ୍କ ପତ୍ନୀ ଗ୍ୱେନ୍ ଲାରାଙ୍କ ସମେତ ଅନ୍ୟ ୫ ଜଣଙ୍କର ମୃତ୍ୟୁ ଘଟିଛି ।
ସୂଚନା ଅନୁସାରେ, ଜୋଙ୍କ ସମେତ ଅନ୍ୟ ୬ଜଣ ଏକ ଛୋଟ ବିମାନରେ ଯାତ୍ରା କରୁଥିଲେ । ତେବେ କୌଣସି କାରଣରୁ ବିମାନଟି ଦୁର୍ଘଟଣାଗ୍ରସ୍ତ ହୋଇ ନାଶଭିଲେ ନିକଟ ନେଟେସ୍ ହ୍ରଦରେ ଖସିପଡିଥିଲା । ପୋଲିସ୍ ସନ୍ଧାନ କରୁଛି । ବିମାନ ଦୁର୍ଘଟଣାରେ ପ୍ରାଣ ହରାଇଥିବା ଲୋକଙ୍କ ପରିଚୟ ଶନିବାର ଜାରି କରାଯାଇଥିଲା । ମୃତକମାନେ ହେଲେ ବ୍ରାଣ୍ଡନ ହାନା. ଗ୍ୱେନ୍ ଏସ ଲାରା, ୱିଲିୟମ୍ ଜୋ ଲାରା, ଡେଭିଡ୍ ଏଲ୍ ମାର୍ଟିନ୍, ଜେନିଫର ଜେ ମାର୍ଟିନ୍, ଜେସିକା ୱାଲ୍ଟର୍ସ ଏବଂ ଜୋନାଥନ ଭଲ୍ଟର୍ସ ।