ରାୟଗଡ: ଜଣେ ଅଜଣା ବ୍ୟକ୍ତିର ମୃତ ଦେବ ଉଦ୍ଧାର ହୋଇଛି । ମୃତ୍ୟୁର ପ୍ରକୃତ କାରଣ ବର୍ତମାନ ସୁଦ୍ଧା ଜଣାପଡିନଥିବା ବେଳେ ଶବ ବ୍ୟବଛେଦ ପରେ ପ୍ରକୃତ କାରଣ ଜଣାପଡିବ ବୋଲି ଚାନ୍ଦିଲି ଥାନା ଅଧିକାରୀ ପ୍ରକାଶ କରିଛନ୍ତି । ଖବର ପରିବେଷଣ ସୁଦ୍ଧା ମୃତ ବ୍ୟକ୍ତରି ପରିଚୟ ମିଳିପାରିନଥିଲା । ସୂଚନା ମୁତାବକ ରାୟଗଡା ବ୍ଲକ ଚାନ୍ଦିଲି ଥାନା ଅନ୍ତର୍ଗତ ହାଟିପଡା ଗ୍ରାମ ନିକଟରେ ଏକ ଅଜଣା ଶବ ପଡିଥିବା ନେଇ ଗ୍ରାମବାସୀ ମାନେ ଦେଖିବାକୁ ପାଇଥିଲେ । ଅଜଣା ବ୍ୟକ୍ତରି ମୃତ ଶରୀର ହାଟିପଡା ଗ୍ରାମ ନିକଟରେ ଥିବା ମଦ ଦୋକାନ ନିକଟରେ ପଡିଥିବା ଗ୍ରାମବାସୀ ମାନେ ଦେଖିବାକୁ ପାଇଥିଲେ । ଗ୍ରାମରେ ଅଜଣା ବ୍ୟକ୍ତିର ମୃତ ଶରୀର ପଡିଥିବା ଖବର ବିଜୁଳି ବେଗରେ ସାରା ଗ୍ରାମରେ ଖେଳି ଯାଇଥିଲା । ଚାନ୍ଦିଲି ଗ୍ରାମର ସରପଂଚ ପି.ସୁଆଇ ଘଟଣା ସ୍ଥଳକୁ ଯାଇ ସ୍ଥିତି ଅନୁଧ୍ୟାନ କରିବା ପରେ ଚାନ୍ଦିଲି ଥାନାରେ ଲିଖିତ ଭାବରେ ଜଣାଇଥିଲେ ।