ବିଞ୍ଝାରପୁର : ଉପଜିଲ୍ଲାପାଳ ନାରାୟଣଚନ୍ଦ୍ର ଧଳ ଶୁକ୍ରବାର ବିଂଝାରପୁର ବ୍ଲକ ପରିଦର୍ଶନ କରି ଫେରିଛନ୍ତି । ବ୍ଲକର ବିଭିନ୍ନ ପଞ୍ଚାୟତରେ ଥିବା ସଂଗରୋଧକ କେନ୍ଦ୍ର ସମେତ କଲ୍ୟାଣପୁର ପଞ୍ଚାୟତ ଶ୍ରୀବନ୍ତ ହାଇସ୍କୁଲ ସ୍ଥିତ ସଂଗରୋଧକ କେନ୍ଦ୍ର ଅନୁଧ୍ୟାନ କରିଛନ୍ତି । ପରେ ବ୍ଳକ କାର୍ଯ୍ୟାଳୟରେ ବିଡିଓଙ୍କ ପ୍ରକୋଷ୍ଠରେ ବିଡିଓ ମିନତି ଜଗଦେବଙ୍କ ଅଧ୍ୟକ୍ଷତାରେ ବୈଠକ କରି ବ୍ଲକରେ କରୋନା ଜନିତ ସମସ୍ୟା ସଂପର୍କରେ ଆଲୋଚନା କରିଥିଲେ । ବୈଠକରେ ଜିଲ୍ଲା ସୂଚନା ଲୋକସଂପର୍କ ଅଧିକାରୀ ସନ୍ତୋଷ କୁମାର ସେଠୀ, ତହସିଲଦାର ଅସ୍ମିତା ଦାଶ, ବିଂଝାରପୁର ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ଅଧିକାରୀ କ୍ଷୀତିଶ ନାୟକ, ଜିପିଓ ସତ୍ୟନାରାୟଣ ମିଶ୍ର, ପିଇଓ ରମେଶଚନ୍ଦ୍ର ମହାପାତ୍ର ପ୍ରମୁଖ ଉପସ୍ଥିତ ଥିଲେ ।