ଭୁବନେଶ୍ୱର: ଆରଏମ୍ଆରସିରେ କାର୍ଯ୍ୟରତ ଜଣେ ବରିଷ୍ଠ ବୈଜ୍ଞାନିକ କରୋନାରେ ପ୍ରାଣ ହରାଇଛନ୍ତି । ଏକଦା ଆରଏମ୍ଆରସିର ନିର୍ଦେଶକ ପଦ ସମ୍ଭାଳି ଥିବା ଡ. ନମିତା ମହାପାତ୍ର ଚିକିତ୍ସାଧୀନ ଅବସ୍ଥାରେ ଆଖି ବୁଜିଥିବା ବେଳେ ସେହି ଆରଏମ୍ଆରିସିରେ ବୈଜ୍ଞାନିକ ଥିବା ତାଙ୍କ ସ୍ୱାମୀ ଏବେ ସଂକ୍ରମିତ ହୋଇ ଚିକିତ୍ସାଧୀନ ଅଛନ୍ତି । ଆଉ କିଛିଦିନ ପରେ ଡ.ମହାପାତ୍ର ଅବସର ଗ୍ରହଣ କରିଥାନ୍ତେ । କୋଭିଡ ମହାମାରୀ ସଂଗ୍ରାମରେ ଅଗ୍ରଣା ଭୂମିକା ତୁଲାଉ ଥିବା ଆରଏମ୍ଆରସିର ୪ ଜଣ ବୈଜ୍ଞାନିକଙ୍କୁ ମିଶାଇ ୧୫ ଜଣ ସଂକ୍ରମିତ ହେଲେଣି । ଏମାନଙ୍କ ମଧ୍ୟରୁ ଅଧିକାଂଶ ସୁସ୍ଥ ହୋଇ ସାରିଲେଣି ।