ଚମ୍ପୁଆ : ଚମ୍ପୁଆ ସହରର ସ୍ଵାଗତ ହୋଟେଲ ନିକଟରେ ବହୁ ପ୍ରତିକ୍ଷୀତ ଏଚଡିଏଫସି ବ୍ୟାଙ୍କର ଏକ ନୂତନ ଶାଖା ଆଜି ଉଦଘାଟିତ ହୋଇଯାଇଛି । ସ୍ଥାନୀୟ ବିଡ଼ିଓ ରାଜା ରଣଜିତ ପ୍ରତାପ ବଳଙ୍କ କର ଅମଳରେ ଏହି ନୂତନ ଶାଖା ଉଦଘାଟିତ ହୋଇଥିବା ବେଳେ ସମ୍ମାନିତ ଅତିଥି ଭାବେ ଏନ୍ଏସି ଅଧ୍ୟକ୍ଷ ଗିରିଜା ଶଙ୍କର ସାହୁ ଓ କାର୍ଯ୍ୟନିର୍ବାହୀ ଅଧିକାରୀ ଫୁରଲାଇ ଵେସ୍ରା ଉପସ୍ଥିତ ଥିଲେ । ଜିଲ୍ଲାର ୬ଷ୍ଠ ତମ ଶାଖା ଭାବରେ ନୂତନ ଏଚଡିଏଫସି ବ୍ୟାଙ୍କ ସ୍ଥାନୀୟ ଲୋକମାନଙ୍କର ଆର୍ଥିକ ଦେଣନେଣ କାରବାରରେ ସହାୟକ ହେବ ବୋଲି ଅତିଥି ମାନେ ପ୍ରକାଶ କରିଥିଲେ ।ଏହି ଶୁଭ ଉଦଘାଟନ ଅବସରରେ କ୍ଲଷ୍ଟର ମୁଖ୍ୟ ବିଭୁ ମହାପାତ୍ର,ଶାଖା ମୁଖ୍ୟ ଶୁଭାଶିଷ ନନ୍ଦ, ଡେପୁଟି ମ୍ୟାନେଜର ବିଶ୍ଵଜିତ ଦାଶ,ଷ୍ଟାଫ ଜ୍ୟୋତିପ୍ରଭା ସାହୁ ଏବଂ ଟେଲର ଅଙ୍କିତ କେଶରୀ ପ୍ରମୁଖ ଉପସ୍ଥିତ ଥିଲେ ।